Valamuli 21:4 - Bhiblia Yo Sawuleka

⁴ Se ku to maheka taku mangwanani ka kona, vathu va to wuka ni mixo ve aka txiluvelo; kambe va to ningela miphaxo yo hiswa, ni miningelo ya kudikha.

Valamuli 21:4 Referans Kwoze

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

Vahebheru 13:10

Hi ni txiluvelo, atxiya va si faneliko kudyela ka txona ava va khozelako ditendani.

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

1 Vafumeli 8:64

Ka dona ditshikwedo da dimwedo, mfumeli a to sawulekisa mtendela wa masoni ka Nyumba ya Mkoma; ngu konaho a nga lulamisela kona miphaxo ya kuhiswa ni miningelo, kumweko ni mafura a miphaxo ya kuthutha; nguko txiluvelo txa koporo txi nga ti masoni ka Mkoma, i ti ti txidotho, txi si eneli ku mahela kona miphaxo yo hiswa, ni miningelo, ni mafura a miphaxo ya kuthutha.

2 Samuwele 24:18

Se ka ditshiku donedo, Gadhi a to ta ka Dhavhidha, a txi ta khene kwakwe: Kwelela, u ya aka txiluvelo txa Mkoma txizendani ka Arawuna, Mujebhusi.

Valamuli 6:26

Ngu msana u na aka txiluvelo txa Mkoma, Txizimu txako, ngu txitimwi ka dirigwi diya, msana ka kuva u di lulamisile. U na teka didhuna da wumbidi u txi maha ngu dona mhamba yo hiswa ngu tikhuni ta txithombe, a txi u nova u di txi gangete.”

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Valamuli 21:3

Se va txi kha vona: “Awe Mkoma, Txizimu txa Israyeli, dita ngu hani dikhombo diya nyamsi da kupwateka limwelo ka tihunzu ta ka Israyeli kani?”

1 Samuwele 7:17

Aniko a ti ti tshumelela Rama, nguko nyumba yakwe yi ti ti koneyo, a ti ti lamula kona va ka Israyeli, se a to aka koneyo txiluvelo txa Mkoma.

Valamuli 6:24

Sekoko Gidhiyoni a to aka konaho txiluvelo txa Mkoma, se a txi txi raya ku Mkoma i kuthutha, txiluvelo txiya txi nga diho kala ni nyamsi kona Ofira, ka Abhiyezeri.

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.