Valamuli 21:25 - Bhiblia Yo Sawuleka

²⁵ Ka ona masiku ale, ku si nga ni mfumeli ka Israyeli, ngu kumaha keto, mmwani ni mmwani a ti ti mahela ati a nga txi ti wona i di to lulama kwakwe.

Valamuli 21:25 Referans Kwoze

Dhewuteronome 12:8

Mi nge ya maha nga ti konkuwa hi ti mahako kona hawa nyamsi, mmwani ni mmwani a mahako tinene, nga ti a ti wonisako tona,

Valamuli 17:6

Ka masiku ale, ku ti si nga ni mfumeli kona Israyeli, mmwani ni mmwani a txo ti mahela ati a nga txi ti wona i di ta tinene kwakwe.

Mavingu 3:5

Themba ka Mkoma ngu yotshe mbilu yako, kambe u nga thembe mapimo ako upune.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Mavingu 14:12

Ku ni nzila yile m'thu a yi wonisako ku nga yi lulamile, aniko magwito ka yona ndinzila to yisa kufani.

Valamuli 19:1

Ku to maheka kambe ka ona masiku ale, ku nga ti si nga ni mfumeli ka Israyeli, taku ku txi maneka wamwamna wa Mlevhi, a nga ti ti luvela madhawani ka mmango wa ka Efrayime, a to ti tekela wamsikati wa txikaba, wa Bhetlehema ka Judha.

Valamuli 18:1

Ka ona ale masiku, ku ti si nga ni mfumeli Israyeli, se ka masiku oneyo lihunzu la ka Dhani, li ti ti lava ditiko do aka ka dona; nguko kala ka dona ditshiku dile, va ti sanzi kuabaniselwa ditiko, hagari ka tihunzu ta ka Israyeli.

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

Valamuli 21:24

Ni vona vanana va ka Israyeli va to khukha kona eho, mmwani ni mmwani a txi tshumelela ka lihunzu lakwe ni ka liveleko lakwe; se va to khukha ngu hale, mmweyo ni mmweyo a txi ya ka thomba yakwe.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.