Valamuli 21:22 - Bhiblia Yo Sawuleka

²² Se ngako vatate vawe mwendo tindiya tawe va txi ta mi henyela, athu hi na va gela ku khathu: “Nguko hi randa kwanu, va pfeleni wusiwana, nguko ka yimbi yiya, kha ha teka vavasikati vo dingana mmweyo ni mmweyo vawe, nguko anu kha ma va ninga, ka kuza anu mi mana mnandu.”

Valamuli 21:22 Referans Kwoze

Valamuli 21:18

Kambe athu kha hi sikoti kuvaninga vanana vathu vamahorana ve va vasikati vawe. Nguko vanana va ka Israyeli va xambanyile va txi kha vona: “A na ruketelwe awule a ningelako wamsikati ka va ka Bhenjamini!”

Valamuli 21:1

Ti di nga eto, vavamna va ka Israyeli va ti ti xambanyile kona Misipa, va txi kha vona: “Ni wammweyo wa ka kwathu kha na mbi ningela mwanana wakwe wa dihorana, kasi ku a txi tekwa ngu va ka Bhenjamini.”

1 Vakorinto 7:2

Aniko, ngu konaho ka wugelegele wu nga tala, wamwamna ni wamwamna a nave ni msikati wakwe; wamsikati ni wamsikati nene a nave ni mwamna wakwe.

Mavingu 20:25

Mlawu ku kuluvetela kuwomba u txi khawe: Ti sawulekile; ni kutshumela u kana-kana msana ka kuxambanya.

Valamuli 21:14

Kambe ka yona mbimo eyo ya yimweyo, va to wuya ka va ka Bhenjamini, va txi ta va ninga vavasikati vale va nga wuya navo va txi hanya, i ku vavasikati va ka Jebhesi-Gileyadhi; aniko va ti si eneli kwawe votshe.

Valamuli 21:7

Hi na maha txani ngu va va nga sala, kasiku ve mana vasikati, eko hi nga xambanya ka Mkoma, hi txi khathu: Ni wammweyo ka vanana vathu vamahorana kha hi na mbi mningela a txi maha msikati wawe, kani?”

Genesisi 7:13

Se ka dona ditshikwedo da dimwedo, Nowa ni vanana vakwe, Semi, Kame ni Jafete, msikati wakwe Nowa ni vasikati vararu va vanana vakwe, va to wulela ngalavani.

Genesisi 1:27

Se Txizimu txi vangile m'thu ngu txifaniso txa txona; txi m'vangile e fana ni Txizimu; txi va vangile wamwamna ni wamsikati.