Valamuli 21:21 - Bhiblia Yo Sawuleka

²¹ Se ngako mi txi wona vanana vamahorana va Silo, va txi huma ngu mitxawa kuya sinya, nanu mi na huma ngu mu ka mivhinya, se mmwani ni mmwani kwanu, a na ti ñolela msikati, ka mahorana a Silo, mi txi wuya navo ditikoni ka va ka Bhenjamini.

Valamuli 21:21 Referans Kwoze

Valamuli 11:34

Mbimo yi Jefta a nga ti wuya m'tini kwakwe ka Misipa, mwanana wakwe wa dihorana a to huma a txi ya mu hingeta na a txi sinya ni kuveta singomana. I ti ti mwanana wakwe wammweyo ekha wa dihorana, hahanze kwakwe a ti sina mmwani mwanana wa mfana hambi wa dihorana.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Luka 17:25

Kambe kukhata a fanete kuxaniswa ngutu e zondwa ngu va liveleko liya.”

Matewu 10:17

Ti woneleni ka vathu, nguko va na mi mangalela ha banza, va na mi kwapa masinagogani kwawe,

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Ekleziyaste 3:4

mbimo ya kudila, ni mbimo ya kuseka; mbimo ya xomulo, ni mbimo ya kusinya;

Masalmo 150:4

M'dhumiseni ngu tingoma ni kusinya; m'dhumiseni ngu sivetaveta sa tingoti ni misengele!

Masalmo 149:3

Va na dhumise ditina dakwe ngu kusinya; va na embelele va txi veta sitende ni tingoma!

2 Samuwele 6:21

Aniko Dhavhidha a to khene ka Mikali: Ani ni ti ti sinya ni tsaka masoni ka Mkoma wule a nga ni sawula, makhaloni ka tate wako ni ka yotshe nyumba yako, a txi ni ruma kuva mthangela txitimwi ka vathu va Mkoma, ni txitimwi ka va ka Israyeli.

2 Samuwele 6:14

Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu.

1 Samuwele 18:6

Ku to maheka koko, taku, mbimo yi va nga wona Dhavhidha a txi wuya ngu kuya daya Vafilista, vavasikati va dotshe didhoropa da ka Israyeli va to huma ve hingeta mfumeli Sawule, na va txi embelela ni kusinya, singomana, ngu kutsaka ni sivetaveta sa wuembeleli.

Valamuli 21:20

Se va to leleta ka vanana va ka Bhenjamini va txi kha vona: Tsulani, mi txi ya barama amu ka mivhinya.

Ndando ya Tindando 6:13

Wuya, wuya awe Mxulamita, wuya, wuya kasi ku hi txi kuwona. Ngu kutxani u wonetelako Mxulamita a txi nga o sinya hagari ka mabutho mambidi a yimbi kani?