Valamuli 21:2 - Bhiblia Yo Sawuleka

² Va to ta koko vathu kona Bheteli, va ti ta zumba masoni ka Txizimu, kala ni minova; se va to pekeletela tihuwa, va txi dila ngu txiviti txa hombe.

Valamuli 21:2 Referans Kwoze

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

1 Samuwele 30:4

Sekoko Dhavhidha ni vathu vale a nga ti navo va to pekeletela tihuwa ve dila, kala kuza ve guma mtamo wo dila.

Valamuli 21:12

Se hagari ka vaaki va Jabhesi-Gileyadhi, va to mana 400 wa mahorana a timbiri, va nga ti sanzi kuziva wamwamna, va txi otela ni wamwamna, se va to va tisa wugoveloni kona Silo, ku manekako ditikoni ka Kanana.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Valamuli 2:4

Se ku to maheka taku yi txi ngadi yi womba-womba mapswi awa Ngelozi ya Mkoma, ka votshe vanana va ka Israyeli, vathu va to guleta mapswi awe ve dila.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Genesisi 27:38

Esawu a to khene ka tate wakwe: “Ina njikatekiso tximwetxo dwe u ku natxo, kani tata? Tata, ni katekise nani!” Esawu a to peka huwa, a txi dila.

Valamuli 21:3

Se va txi kha vona: “Awe Mkoma, Txizimu txa Israyeli, dita ngu hani dikhombo diya nyamsi da kupwateka limwelo ka tihunzu ta ka Israyeli kani?”

1 Samuwele 11:4

Se mbimo yile mitumi yi nga hoka Gibheya ka Sawule, yi to gela vathu mapswi awa. Sekoko vathu votshe va to kwangula, ve dila.