Valamuli 21:19 - Bhiblia Yo Sawuleka

¹⁹ Sekoko va to kha vona: “Wona taku dilembe ni dilembe ku ni m'buso wa Mkoma, kona Silo, wu mahwako Wuphemba ka Bheteli, ngu didhawa da wutxani, ka nzila ya mmangoni, yi kwelelako ngu Bheteli kala Sikemi, kala Wulambwe ka Lebhona.”

Valamuli 21:19 Referans Kwoze

Johani 7:2

Kambe m'buso wa Vajudha wa Midhuti wu ti hafuhi.

Johani 5:1

Msana ka toneto, ku to mahwa m'buso wokari, wa Vajudha, se Jesu e kwela Jerusalema.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!

1 Samuwele 1:3

Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

Valamuli 18:31

Ngu kumaha keto, txithombe txile txo vatwa txile txo mahwa ngu Mika, va to ti emisela, ka otshe masiku ale Nyumba ya Txizimu yi nga txi maneka kona Silo.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Dhewuteronome 16:13

“U na maha M'buso wa Matenda amu ka mtxhanu wa masiku ni mambidi, msana ka kuva u di sengeletile mihando ya ha didhandoni kwako ni ya mu mkawuni kwako,

Dhewuteronome 16:10

Ngu msana, u na maha m'buso wa mavhiki, u txi dhumisa Mkoma, Txizimu txako; u na maha mningelo wa manza ako ngu kuxuva ka mbilu yako, madingano ni ti Mkoma Txizimu txako a nga ku katekisisa tona.

Dhewuteronome 16:1

Xayisa mtxima wa Abhibha, u mahela Mkoma, Txizimu txako, Pasika, nguko mtxima wa Abhibha ngu wona mtxima wule Mkoma, Txizimu txako, a nga kuhumisa ngu ka wona, ni wusiku, ditikoni ka Egipta.

Mitengo 29:12

Ngu kufana nito, ngu ditshiku da digumi ni mtxhanu, ka mtxima wa wutxhanu ni yimbidi, mi na va ni msengeletano wo sawuleka; mi nga maheni mthumo ni wawumewo wo nemela, aniko mi na mahela m'buso Mkoma, amu ka mtxhanu wa masiku ni mambidi.

Mitengo 28:26

Kufana ni tona eto, ma txi hoka masiku a mihando yo khata, ka mbimo yi mi ningelako mningelo wa wuphya wa sakudya ka Mkoma, madingano ni M'buso wanu wa Mavhiki; mi nga thumeni mthumo ni wawumwewo wo nemela.

Mitengo 28:16

Aniko ka mtxima wo khata, ka ditshiku da digumi ni mune ka mtxima, i Pasika ya Mkoma.

Mitengo 10:10

Atiya, ti maheni hambi ka masiku a mibuso yanu ya kutsaka, kukhatani ka mtxima mi na veta mipundu, mbimo yi mi ningelako miphaxo yanu ya kuhiswa ni ya kubonga, kasi ku Txizimu txi mi alakanya. Nguko ngani Mkoma, Txizimu txanu.”

Levhi 23:34

Gela vanana va ka Israyeli u txi khawe: Ka ditshiku da digumi ni mtxhanu ka wona mtximewo wa wutxhanu ni yimbidi, ku na mahwa m'buso wa mabharakawu, amu ka mtxhanu wa masiku ni mambidi, m'buso wo dhumisa Mkoma.

Levhi 23:10

Gela vanana va ka Israyeli u txi khawe: Ngako mi di wulete ka ditiko di ni no mi ninga, na ku di hokile mbimo yo elula, mi fanete kuya ningela ka mphaxeli nyanda yo khata ya si mi no elula;

Levhi 23:6

se ka ditshiku da digumi ni mtxhanu ka wonewo mtxima, m'buso wa mapawu o mbi tshumbelwa, wu mahelwako Mkoma;

Levhi 23:4

Ayiya ngu yona mibuso ya Mkoma, i ku mibuso yo sawuleka, mi no yi ramba ngu mbimo ya kona yi nga emiselwa:

Levhi 23:2

Gela vanana va ka Israyeli u txi khawe: Mibuso yo dhumisa Mkoma, ayi mi fanelako ku yi ramba, yi na va i di mibuso yo sawuleka; mibuso yangu ngu yiya:

Valamuli 21:20

Se va to leleta ka vanana va ka Bhenjamini va txi kha vona: Tsulani, mi txi ya barama amu ka mivhinya.