Valamuli 21:12 - Bhiblia Yo Sawuleka

¹² Se hagari ka vaaki va Jabhesi-Gileyadhi, va to mana 400 wa mahorana a timbiri, va nga ti sanzi kuziva wamwamna, va txi otela ni wamwamna, se va to va tisa wugoveloni kona Silo, ku manekako ditikoni ka Kanana.

Valamuli 21:12 Referans Kwoze

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Jeremiya 7:12

Tsulani koko ka wukhalo wangu wu nga ti manekela Silo, aho di nga ti zumbile kona ditina dangu kukhatani, mi txi ya wona ti ni nga maha, ngu mhaka ya wubihi wa vathu vangu va ka Israyeli.

Masalmo 78:60

Txi lekile nyumba ya txona yo khozela ya Silo, i nga ti ditenda da txona do zumba ka dona hagari ka vathu.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

Valamuli 21:8

Se va to kha vona: “Ina waho hagari ka tihunzu ta va ka Israyeli, awu a nga mbi kwela a txi ya ka Mkoma, kona Misipa kani?” Se wona taku ni wammweyo wa lihunzu la Jabhesi-Gileyadhi kha ta wugoveloni ka msengeletano.

Valamuli 21:11

Sekoko, atiya ngu ti mi no maha: Ka votshe vavamna, ni ka votshe vavasikati vale va no maneka va di otete ni wamwamna, mi na va fuvisa do gwita.

Valamuli 21:13

Sekoko wotshe msengeletano wu to rumela kuya womba ka vanana va ka Bhenjamini, avale va nga ti ti dirigwini ka Rimoni, va txi va gela taku kuho kudikha.