Valamuli 21:10 - Bhiblia Yo Sawuleka

¹⁰ Sekoko msengeletano wu to rumela koneyo 12.000 wa vavamna vale va tindena ngutu, va txi va leleta va txi kha vona: Tsulani, mi txi ya dayela ngu matxhari vaaki va Jabhesi-Gileyadhi, vavasikati kumweko ni vafana.

Valamuli 21:10 Referans Kwoze

1 Samuwele 11:7

Se a to teka tihomu timbidi e daya, e wilela ngu sihango, e si rumela ka dotshe ditiko da ka Israyeli ngu manza a mitumi, a txi khene: Ni wuhi wule a no mbi huma e londeta Sawule ni Samuwele, tihomu takwe ti na mahwa tonatiya. Sekoko kuthava Mkoma kutota txitimwi ka vathu, ve huma votshe ngu mbilu yimweyo.

Valamuli 21:5

Se vanana va ka Israyeli va to kha vona: “I mani ka totshe tihunzu ta ka Israyeli a nga mbi maneka msengeletanoni, masoni ka Mkoma kani?” Nguko ku ti mahilwe txixambanyo txa hombe madingano ni vale va si tiko ka Mkoma kona Misipa, va txi kha vona: Va na fa kha ditshuri.

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Joxuwa 7:24

Sekoko Joxuwa ni votshe va ka Israyeli, va to teka Akane, mwana Zera, kumweko ni silivhela ni dijasi, ni dibwinzi da nzalama, ni vanana vakwe va mazambi ni vamahorana, ni tihomu takwe, ni timbongola takwe, ni tinvuta takwe, ni ditenda dakwe, ni sotshe sile a nga ti ti naso, va txi tsula naso mkovani ka Akori.

Dhewuteronome 13:15

sekoko u na daya ngu ditxhari vaaki va didhoropa donedo, ni dona didhoropa di khundumusele, kumweko ni sotshe sile si ku ka dona, kumweko ni sihari sawe sa sifuyo.

Mitengo 31:17

Konkuwa koko, dayelani votshe vavamna, hagari ka vanana; kambe dayelani votshe vavasikati va va nga ziva wamwamna wokari, va txi otela nayo.

Valamuli 21:8

Se va to kha vona: “Ina waho hagari ka tihunzu ta va ka Israyeli, awu a nga mbi kwela a txi ya ka Mkoma, kona Misipa kani?” Se wona taku ni wammweyo wa lihunzu la Jabhesi-Gileyadhi kha ta wugoveloni ka msengeletano.

Valamuli 21:9

Ngu kumaha keto, vathu va to balwa, se wona taku ni wammweyo wa ka Jabhesi-Gileyadhi kha maneka hale.