Valamuli 21:1 - Bhiblia Yo Sawuleka

¹ Ti di nga eto, vavamna va ka Israyeli va ti ti xambanyile kona Misipa, va txi kha vona: “Ni wammweyo wa ka kwathu kha na mbi ningela mwanana wakwe wa dihorana, kasi ku a txi tekwa ngu va ka Bhenjamini.”

Valamuli 21:1 Referans Kwoze

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Marku 6:23

A to xambanya a txi khene: “Atxi u no kombela txona, ni na kuninga, hambi i di ku kubhandela mfumo wangu ngu hagari.”

Mithumo 23:12

Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.

Ekleziyaste 5:2

U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

Valamuli 21:18

Kambe athu kha hi sikoti kuvaninga vanana vathu vamahorana ve va vasikati vawe. Nguko vanana va ka Israyeli va xambanyile va txi kha vona: “A na ruketelwe awule a ningelako wamsikati ka va ka Bhenjamini!”

Valamuli 20:8

Sekoko votshe vathu va to ema ngu dipswi dimwedo, va txi kha vona: Ni wammweyo kwathu kha na mbi tshumelela ditendani kwakwe, hambi ni wammweyo kwathu kha na mbi tshumelela nyumbani kwakwe.

Varoma 10:2

Nguko nava fakazela ka ti to va na ni kukhutala ka Txizimu, kambe kukhutala kwawe hi nga ka wuzivi.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

1 Samuwele 14:24

Se ka ditshiku dile vathu va ka Israyeli va ti rerekile ngutu, nguko Sawule a ti xambanyile ka vathu, a txi khene: Dikhombo ka m'thu wule a no dya dipawu kala ni minova, kasiku ni ti photela ka valala vangu. Se vathu votshe va to leka kudya dipawu.

Valamuli 21:7

Hi na maha txani ngu va va nga sala, kasiku ve mana vasikati, eko hi nga xambanya ka Mkoma, hi txi khathu: Ni wammweyo ka vanana vathu vamahorana kha hi na mbi mningela a txi maha msikati wawe, kani?”

Valamuli 21:5

Se vanana va ka Israyeli va to kha vona: “I mani ka totshe tihunzu ta ka Israyeli a nga mbi maneka msengeletanoni, masoni ka Mkoma kani?” Nguko ku ti mahilwe txixambanyo txa hombe madingano ni vale va si tiko ka Mkoma kona Misipa, va txi kha vona: Va na fa kha ditshuri.

Valamuli 20:10

Se hi na teka digumi da vavamna ka dizana, ka totshe tihunzu ta va ka Israyeli, ni 100 ka 1.000, ni 1.000 ka 10.000, va txi ya teka timbuva ta ku ta ninga vathu, kasiku ngako va txi na hoka Gibheya ka Bhenjamini, va na yalwa madingano ni wotshe wubihi, wule wu nga mahelwa va ka Israyeli.

Valamuli 20:48

Se vavamna va ka Israyeli va to tshumela va txi yela vanana va ka Bhenjamini, veya dayela votshe ngu matxhari, kukhukhela ka vathu va didhoropani, kala ka sihari, ni sotshe si si nga ti ti maneka, ve hisetela ni otshe madhorpa aale va nga ma mana.

Valamuli 21:22

Se ngako vatate vawe mwendo tindiya tawe va txi ta mi henyela, athu hi na va gela ku khathu: “Nguko hi randa kwanu, va pfeleni wusiwana, nguko ka yimbi yiya, kha ha teka vavasikati vo dingana mmweyo ni mmweyo vawe, nguko anu kha ma va ninga, ka kuza anu mi mana mnandu.”

Jeremiya 40:6

Jeremiya a to ta ka Gedhaliya, mwana Ahikamu, aniya Misipa, e zumba nayo hagari ka vathu avale va nga sala mu ditikoni.