Valamuli 20:8 - Bhiblia Yo Sawuleka

⁸ Sekoko votshe vathu va to ema ngu dipswi dimwedo, va txi kha vona: Ni wammweyo kwathu kha na mbi tshumelela ditendani kwakwe, hambi ni wammweyo kwathu kha na mbi tshumelela nyumbani kwakwe.

Valamuli 20:8 Referans Kwoze

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Valamuli 21:5

Se vanana va ka Israyeli va to kha vona: “I mani ka totshe tihunzu ta ka Israyeli a nga mbi maneka msengeletanoni, masoni ka Mkoma kani?” Nguko ku ti mahilwe txixambanyo txa hombe madingano ni vale va si tiko ka Mkoma kona Misipa, va txi kha vona: Va na fa kha ditshuri.

Valamuli 21:1

Ti di nga eto, vavamna va ka Israyeli va ti ti xambanyile kona Misipa, va txi kha vona: “Ni wammweyo wa ka kwathu kha na mbi ningela mwanana wakwe wa dihorana, kasi ku a txi tekwa ngu va ka Bhenjamini.”

Valamuli 20:11

Ngu kumaha keto va to tshangana votshe vavamna va ka Israyeli, va txi wukela didhoropa diya, va di patanile nga m'thu mmweyo dwe.

Valamuli 20:7

Wonani taku motshenu mi vanana va ka Israyeli; ahawa, wombani dipswi danu ni txileleto txanu.

Valamuli 20:9

Aniko ati hi no maha ka Gibheya ngu tiya: Hi na peka tixolo, hi txi mlwisa.