Valamuli 20:6 - Bhiblia Yo Sawuleka

⁶ Sekoko ni to teka txikaba txangu, ni txi txi wilela ngu sihango, ni txi si rumela ka dotshe ditiko di i kuthomba ya ka Israyeli, nguko va mahile mhaka yo biha yo nga yoneyo, i ku txiruko ka va ka Israyeli.

Valamuli 20:6 Referans Kwoze

Valamuli 19:29

Ngako a di hokile koko m'tini kwakwe, a to teka mesa, se a txi teka txikaba txakwe, e txi wilela ngu digumi da sihango ni simbidi, a txi si rumela ka totshe tihunzu ta ka Israyeli.

Valamuli 19:23

Se wamwamna wule wa nyamne wa nyumba a to va hingeta, a txi va gela ku kha ene: “Ahim-him vanathu! Na mi kombela, mi nga maheni kubiha ka ku nga eto; nguko m'thu wuwa ku a nga wulela nyumbani kwangu, mi nga maheni kubiha ka ku nga eto.

Joxuwa 7:15

Se ku na maheka tito, wule a no manwa a di ni sile so yiliswa, a na hiswa ngu mndilo, ene ni sotshe sile a ku naso, nguko a nga leka txitumelelano txa Mkoma, a txi maha wubihi ka Israyeli.

Genesisi 34:7

Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila.

Valamuli 20:10

Se hi na teka digumi da vavamna ka dizana, ka totshe tihunzu ta va ka Israyeli, ni 100 ka 1.000, ni 1.000 ka 10.000, va txi ya teka timbuva ta ku ta ninga vathu, kasiku ngako va txi na hoka Gibheya ka Bhenjamini, va na yalwa madingano ni wotshe wubihi, wule wu nga mahelwa va ka Israyeli.

Levhi 18:24

Mi nga ti bihiseni ngu kumahetela tona timhaketo, nguko va ti bihisile toneto vathu vale ni va tovelako masoni kwanu.

Levhi 18:30

Ngu toneto, xoniphani sileleto si ni nga mi mahela, mi si londeteli mikhuwo yo biha, ayile va nga yi mahetela vale va nga thanga vona, na mi sinzi kumaneka anu, nguko mikhuwo yoneyo yi nga mi nyenyezisa. Ani ngani Mkoma, Txizimu txanu.

Valamuli 19:22

Nga ti va di ha kutsakani timbiluni kwawe, wona taku ku to humelela migewu ya didhoropani (vavamna va i nga ti ti vanana va Bheliyali), yi randela nyumba, yi txi peketela ditimba; yi txi womba ka txikosana txile txa nyamne wa nyumba, yi txi kha yona: “Humisa hahanze m'thuyo a nga wulela nyumbanimo kwako, kasiku hi ta m'ziva.”