Valamuli 20:5 - Bhiblia Yo Sawuleka

⁵ Se vaaki va Gibheya va to ni wukela, va txi randela nyumba ni wusiku, se va lavile ku ni daya, va txi kurumeta txikaba txangu, kala kuza txi fa.

Valamuli 20:5 Referans Kwoze

Valamuli 19:22

Nga ti va di ha kutsakani timbiluni kwawe, wona taku ku to humelela migewu ya didhoropani (vavamna va i nga ti ti vanana va Bheliyali), yi randela nyumba, yi txi peketela ditimba; yi txi womba ka txikosana txile txa nyamne wa nyumba, yi txi kha yona: “Humisa hahanze m'thuyo a nga wulela nyumbanimo kwako, kasiku hi ta m'ziva.”

Dhewuteronome 22:24

sekoko ngu wumbidi wawe, va na yiswa ha txikeni ka didhoropa, va txi ya baliselwa ngu marigwi, kala va txi fa; nguko dihorana kha da peka huwa, di kombela kulamulelwa, ni wule wa dijaha nguko a bihisile muwutwa wa muakelani wakwe. Ngu toneto, u na fuvisa wubihi hagari kwanu.

Dhewuteronome 22:21

sekoko va na teka wule wa dihorana ve tsula nayo ha txikeni ka nyumba ya tate wakwe, se majaha a didhoropani kwawe, ma na m'balisela ngu marigwi kala a txi fa; nguko a mahile to biha ka va ka Israyeli, ngu kumaha wugango nyumbani ka tate wakwe; ngu toneto u na va u txi fuvisa wubihi hagari kwanu.

Valamuli 19:28

Se ene a to m'gela ku kha ene: “Khukha hi txi tsula.” Aniko wamsikati kha xamula txilo. Sekoko a to m'veka txitimwi ka mbongola, se a txi khukha wule wa dijaha e tsula m'tini kwakwe.

Valamuli 20:4

Sekoko wamwamna wule wa Mulevhi, i ku mwamna wa wule wamsikati a nga dawa, a to xamula a txi khene: Ni hokile Gibheya ni txikaba txangu, ka didhoropa da ka Bhenjamini, kasi kuya otela kona;

Levhi 18:24

Mi nga ti bihiseni ngu kumahetela tona timhaketo, nguko va ti bihisile toneto vathu vale ni va tovelako masoni kwanu.

Joxuwa 7:15

Se ku na maheka tito, wule a no manwa a di ni sile so yiliswa, a na hiswa ngu mndilo, ene ni sotshe sile a ku naso, nguko a nga leka txitumelelano txa Mkoma, a txi maha wubihi ka Israyeli.