Valamuli 20:47 - Bhiblia Yo Sawuleka

⁴⁷ Aniko 600 wa vavamna va to tshurara va txi tutumela txiwulani, ka dirigwi da Rimoni; se va to ya zumba dirigwini ka Rimoni mune wa mitxima.

Valamuli 20:47 Referans Kwoze

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.

Sidilo 3:32

Nguko hambi txi txi pfisa kupanda m'thu, txi na mpfela wusiwana madingano ni wuhombe wa wumbilu wa txona.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Valamuli 21:13

Sekoko wotshe msengeletano wu to rumela kuya womba ka vanana va ka Bhenjamini, avale va nga ti ti dirigwini ka Rimoni, va txi va gela taku kuho kudikha.

Valamuli 20:46

Se votshe va ka Bhenjamini avale va nga dawa ka ditshiku dile, i ti ti 25.000 wa vavamna, avale va nga txi ziva kundiwita ditxhari, votshe i ti ti vavamna va tindena.

Valamuli 20:48

Se vavamna va ka Israyeli va to tshumela va txi yela vanana va ka Bhenjamini, veya dayela votshe ngu matxhari, kukhukhela ka vathu va didhoropani, kala ka sihari, ni sotshe si si nga ti ti maneka, ve hisetela ni otshe madhorpa aale va nga ma mana.

Zakariya 14:10

Dotshe ditiko di na maha libala, kukhukhela Gebha kala Rimoni, ngu wulambwe ka Jerusalema; ene a na guletwa, ni kuaketwa wukhaloni kwakwe, kukhukhela ka txike txa Bhenjamini, kala ka wukhalo wa txike txo khata, kala ka txike txa Dikhonani, ni kukhukhela ka txitezi txa Hananeli, kala ka mapipa a mfumeli.