Valamuli 20:45 - Bhiblia Yo Sawuleka

⁴⁵ Sekoko va to tshurara, va txi tutuma veya txiwulani, ka dirigwi da Rimoni; se kwawe ku to manwa 5.000 wa vavamna amu tinzilani ve dawa, va txi va tutumisa ngu hafuhi kala Gidhomi, ku txi dawa ka vona 2.000 wa vavamna.

Valamuli 20:45 Referans Kwoze

Joxuwa 15:32

Lebhawoti, Silima, Ayina ni Rimoni: Ngu mtengo wa ona otshe magumi mambidi ni mtxhanu ni mune wa madhoropa, ni sidhoropana sa kona.

Valamuli 21:13

Sekoko wotshe msengeletano wu to rumela kuya womba ka vanana va ka Bhenjamini, avale va nga ti ti dirigwini ka Rimoni, va txi va gela taku kuho kudikha.

Zakariya 14:10

Dotshe ditiko di na maha libala, kukhukhela Gebha kala Rimoni, ngu wulambwe ka Jerusalema; ene a na guletwa, ni kuaketwa wukhaloni kwakwe, kukhukhela ka txike txa Bhenjamini, kala ka wukhalo wa txike txo khata, kala ka txike txa Dikhonani, ni kukhukhela ka txitezi txa Hananeli, kala ka mapipa a mfumeli.

1 Makronika 6:77

Avale va nga sala ka vanana va Merari, va lihunzu la ka Zebhuloni, va ningilwe Rimoni ni tibala ta kona, Tabhori ni tibala ta kona;

Valamuli 20:44

Se ka va ka Bhenjamini ku to dawa 18.000 wa vavamna, votshe vava i ti ti vavamna va tindena.

Valamuli 20:46

Se votshe va ka Bhenjamini avale va nga dawa ka ditshiku dile, i ti ti 25.000 wa vavamna, avale va nga txi ziva kundiwita ditxhari, votshe i ti ti vavamna va tindena.