Valamuli 20:34 - Bhiblia Yo Sawuleka

³⁴ Se 10.000 wa vavamna, vo sawulwa ka votshe va ka Israyeli, va to wukela Gibheya, se yimbi yi to kula; aniko vona va ti si ti zivi taku va na welwa ngu dikhombo.

Valamuli 20:34 Referans Kwoze

Joxuwa 8:14

Se ku to maheka taku, mbimo yile a nga va wona mfumeli wa Ayi, va to kuluveta kuwuka ni mabimbi-kutxa, aniko vathu va didhoropa, va to hingeta va ka Israyeli, ku yalwa navo, ene ni votshe vathu vakwe, ka mbimo yi yi nga ti emisilwe, mikovani, nguko ene asi ti zivi ti to ku ni txibaramela msana ka didhoropa.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.

Jobe 21:13

Kuhumelelani kwawe, va heta masiku awe, se ngu mbimo yayidotho ve relela dithithani.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Matewu 24:44

Ngu toneto, zumbani nanu mi di rinzete; ka txikhati txi mi si pimisiko txilo, ngu yoneyo mbimo a nota ngu yona Mwanana wa M'thu.”

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

Mavingu 29:6

Ku ni mlawu masoni ka m'thu wu i ku m'hambunyeti, aniko awule wo lulama, o embelela e ti tsakela ngutu.

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

Valamuli 20:35

Sekoko Mkoma a to khozisa va ka Bhenjamini masoni ka va ka Israyeli, se vanana va ka Israyeli va to daya 25.100 wa vavamna va ka Bhenjamini, votshe vale va nga txi ndiwita ditxhari.