Valamuli 20:27 - Bhiblia Yo Sawuleka

²⁷ Se vanana va ka Israyeli va to wotisa ka Mkoma (ngako dibhokiso da txitumelelano txa Txizimu di nga ti ti ho koneho ka masiku ale;

Valamuli 20:27 Referans Kwoze

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

Jeremiya 7:12

Tsulani koko ka wukhalo wangu wu nga ti manekela Silo, aho di nga ti zumbile kona ditina dangu kukhatani, mi txi ya wona ti ni nga maha, ngu mhaka ya wubihi wa vathu vangu va ka Israyeli.

Isaya 59:1

Wonani taku dianza da Mkoma kha da khwanyela, a ti to di si sikoti kuhanyisa; hambi nzeve yakwe, kha ya tsiveka, ko naza yi tandeka kuengisa.

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Mitengo 27:21

Se a na vekwa masoni ka Eleyazari, mphaxeli wu ni no mtisa ka Urime, masoni ka Mkoma; nga ti a nga womba, va na huma; ni ku nga ti a nga ti womba ve wulela, ene ni votshe vanana va ka Israyeli, ni wosthe msengeletano.

Valamuli 20:28

se Finiyasi, mwana Eleyazari, mwana Aroni, a ti ti masoni ka dona, ka masiku ale), va txi kha vona: Ina hi nga tshumela kambe hi txi yalwa ni vanana va ka Bhenjamini, vona va i ku vanathu, mwendo hi txi ema kani? Se Mkoma a ti khene: “Tsulani, nguko mangwana ni na va ningela manzani kwanu.”

Valamuli 1:1

Se ku to maheka taku msana ka kufa ka Joxuwa, vanana va ka Israyeli, va to wotisa ka Mkoma, va txi kha vona: I mani hagari kwathu a no khata ene e kwela, a txi ya ka Vakanana, ku yalwa navo kani?

1 Samuwele 10:3

Se mbimo yi u no pinda hale uya masoni, u ya hoka mkusuni ka Tabhori, koneyo u na ya tshangana ni vavamna vararu, va kwelelako veya Bheteli ka Txizimu: Mmweyo a di rwate tiphongo tiraru, mmwani a di rwate simbwanda siraru, se wa wuraru a ti rwate msava wa vhinya.

2 Samuwele 7:6

Nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa ngu dona vanana va ka Israyeli Egipta kala ka ditshiku da nyamsi; kambe ni zumbile amu ka matenda ni mu ka midhuti.