Valamuli 20:13 - Bhiblia Yo Sawuleka

¹³ Hi ningeni koko kona kuwa vavamna vale, i ku vanana va Bheliyali, va manekako Gibheya, kasi ku hi txi va daya, hi txi fuvisa wubihi ka Israyeli”; aniko vanana va ka Bhenjamini kha va tumela kuengisa dipswi da vanawe, i ku vanana va ka Israyeli.

Valamuli 20:13 Referans Kwoze

Valamuli 19:22

Nga ti va di ha kutsakani timbiluni kwawe, wona taku ku to humelela migewu ya didhoropani (vavamna va i nga ti ti vanana va Bheliyali), yi randela nyumba, yi txi peketela ditimba; yi txi womba ka txikosana txile txa nyamne wa nyumba, yi txi kha yona: “Humisa hahanze m'thuyo a nga wulela nyumbanimo kwako, kasiku hi ta m'ziva.”

Dhewuteronome 17:12

M'thu wu koko a no ti kulisa, asi engisi mphaxeli wu a nga vekwa kasi ku thumela Mkoma, Txizimu txako, hambi mlamuli asi mu engisi, m'thu eneyo a fanete kudawa. Ngu kumaha keto, mi na heta wubihi hagari ka va ka Israyeli;

Dhewuteronome 13:13

vathu vokari, vanana va Beliyali, va humile hagari kwanu, va timetile vaaki va didhoropani kwawe, va txi kha vona: “He tsimbileni hi ya khozela simwani sizimu,” sizimu sile mi si si ziviko,

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Hoseya 10:9

Kukhukhela ka masiku a Gibheya, u onhile awe Israyeli; mi zumbile kona haleya; kulwa kona Gibheya ni vanana va wubihi kha ku na mbi mi juma.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Ekleziyaste 11:10

Thavisa koko kukarateka ka mbilu yako, u hambana ni kuxaniseka ka nyamani kwako, nguko wanana, ni wujaha mbukanganyisi.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

2 Makronika 25:20

Kambe Amaziya kha ti pfisisa, nguko mhaka yiya yi ti ta ngu ka Txizimu, kasi ku txi txi va ningela manzani ka valala vawe, ngu mhaka ya kule va nga ti lavela sizimu sa ka Edhomi.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Makronika 13:7

A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

2 Samuwele 23:6

Kambe vanana va Bheliyali votshe va na fana ni mipa yo tshotshwa kule, nguko kha ti koteki ku yi ñola ngu manza.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

1 Samuwele 30:22

Sekoko votshe vabihi ni vanana va Bheliyali, i ku vamwevo ka vavamna vale va nga ti tsute ni Dhavhidha, va to xamula va txi kha vona: Evo va nga mbi tsula ni nathu, kha hi na mbi va ninga sile hi nga handa; kambe mmweyo ni mmweyo a na teke msikati wakwe ni vanana vakwe e tsula.

1 Samuwele 2:25

Ngako m'thu a txi onhela mmwani m'thu, valamuli va na mlamula; aniko ngako m'thu a txi onhela Mkoma, i mani a no mkombelela kani? Hambi keto, kha va engisa dipswi da tate wawe, nguko Mkoma a ti ti lava ku vadaya.

Dhewuteronome 24:7

Ngako m'thu a txi kuretwa a di ruruvisile Muisrayeli kulowe, kasi ku mmaha khumbi yakwe, mwendo kuve a txi mxavisa, edo dikhamba di fanete kudawa. Ngu toneto, u na fuvisa wubihi hagari kwanu.

Dhewuteronome 22:24

sekoko ngu wumbidi wawe, va na yiswa ha txikeni ka didhoropa, va txi ya baliselwa ngu marigwi, kala va txi fa; nguko dihorana kha da peka huwa, di kombela kulamulelwa, ni wule wa dijaha nguko a bihisile muwutwa wa muakelani wakwe. Ngu toneto, u na fuvisa wubihi hagari kwanu.

Dhewuteronome 22:21

sekoko va na teka wule wa dihorana ve tsula nayo ha txikeni ka nyumba ya tate wakwe, se majaha a didhoropani kwawe, ma na m'balisela ngu marigwi kala a txi fa; nguko a mahile to biha ka va ka Israyeli, ngu kumaha wugango nyumbani ka tate wakwe; ngu toneto u na va u txi fuvisa wubihi hagari kwanu.

Dhewuteronome 21:21

Sekoko vavamna votshe va didhoropa va na m'balisela ngu marigwi kala a txi fa. Ngu kumaha keto, u na heta wubihi hagari kwako, se votshe va ka Israyeli, ngako va txi tiengisa va na thava.

Dhewuteronome 19:19

mi na yi mahela ati yona yi nga ti lava ku ti txi mahwa ka muakelani wa yona; se mi na thavisa kubiha hagari kwanu.

Dhewuteronome 17:7

Manza a tifakazi ngu ona ma no khata ma txi mpeka kasi ku e dawa, se ngu msana ku txi landa manza a vathu votshe. Ngu kumaha toneto, mi na heta wubihi hagari kwanu.”

Dhewuteronome 13:5

Se mprofeti wule mwendo mlori, a fanete kudawa, nguko a kujetete vathu kuhambana ni Mkoma, Txizimu txanu, awu a nga mi humisa ditikoni ka Egipta, a txi mi hulukisa ka nyumba ya wukhumbi; kasi ku mi hambukisa ka nzila yi Mkoma, Txizimu txanu, a nga mi leleta, kasi ku mi tsimbila ngu yona; ngu kumaha keto, mi na thavisa wubihi hagari kwanu.

1 Vakorinto 5:13

Va hahanze, Txizimu ngu txona txi no va lamula. Thavisani m'bihi hagari kwanu.

2 Vakorinto 6:15

Ngu pfanana muni ku kuho hagari ka Kristu ni Sathani kani? Wusengeli muni wu kuho hagari ka wu a kholwako ni wu asi kholwiko kani?

Valamuli 20:12

Se tihunzu ta va ka Israyeli, ti to rumela vavamna ka totshe tihunzu ta va ka Bhenjamini, ti txi kha tona: “Wubihi muni wona wuwa wu nga maheka hagari kwanu kani?

Valamuli 20:14

Kukhata vanana va ka Bhenjamini va to patana ve huma ngu madhoropani ka Gibheya, va txi yalwa ni vanana va ka Israyeli.

Dhewuteronome 13:6

Ngako mwananu, awu i ku mwanana wa mame wako, mwendo mwanana wako wa mfana, mwendo wa dihorana, mwendo msikati wa mbilu yako, mwendo mndoni wako wo randeka ngutu, a txi lava ku ku kujetela ngu malengo, a txi khene: “He tsimbile hi txi ya khozela simwani sizimu,” sizimu sile awe ni vatate vako mi nga mbi si ziva,