Valamuli 2:7 - Bhiblia Yo Sawuleka

⁷ Se vathu va to thumela Mkoma, ka otshe masiku a kuhanya ka Joxuwa, ni ka otshe masiku a madhota ale ma nga simama me hanya msana ka kufa ka Joxuwa, kambe va nga wona wotshe mthumo wule wa hombe wa Mkoma, awule a nga wu maha ka Israyeli.

Valamuli 2:7 Referans Kwoze

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

Joxuwa 24:31

Israyeli a thumete Mkoma amu ka otshe masiku a kuhanya ka Joxuwa, ni ka masiku otshe a madhota awa ma nga hanya msana ka kufa ka Joxuwa, i ku vale va nga ziva mithumo yotshe yile, Mkoma a nga yi maha ka vanana va ka Israyeli.

2 Makronika 24:2

Se Jowasi a to maha kululama masoni ka Mkoma, otshe masiku a mphaxeli Joyadha.

2 Vafumeli 12:2

Jowasi a to maha to lulama masoni ka Mkoma, ka otshe masiku ale mphaxeli Joyadha i nga ti didhota dakwe.

Valamuli 2:6

Se ngako Joxuwa a di tsulisile vathu, vanana va ka Israyeli va to khukha, mmwani ni mmwani e tsula ka thomba yakwe, kasi kuya teka ditiko.

Valamuli 2:8

Joxuwa koko, mwana Nune, txithumi txa Mkoma, a fite a di ni tanga ya 110 wa malembe.

Valamuli 2:17

Aniko ni ka kudotho kha va engisa valamuli; va to maha wugango wo londeta simwani sizimu, kambe va txi si khizamela; va to kuluveta kuleka nzila yi va nga tsimbila ngu yona vatate vawe, yo engisa sirumo sa Mkoma; se vona kha va mahisa eto.