Valamuli 2:3 - Bhiblia Yo Sawuleka

³ Ngu mhaka yeto nani ni nga khani: Kha ni na mbi va tutumisa masoni kwanu; aniko va na va txitimwi kwanu, se sizimu sawe si na va milawu kwanu.

Valamuli 2:3 Referans Kwoze

Joxuwa 23:13

ngu ditshuri ti ziveni konako ti to Mkoma, Txizimu txanu, a na leka kututumisa vamatiko vava masoni kwanu: Va na phinduka va txi maha likoka ni litshenga hagari kwanu, va na maha limhika makatani kwanu, ni mipa ka maso anu, kala mi txi fuva mu ka ditiko diya da dinene, adi Mkoma, Txizimu txanu, a nga mi ninga.

Mitengo 33:55

Aniko ngako mi si tutumisi vazumbi va ditiko dile masoni kwanu, se ava mi no va leka ve zumba, vona va na maha mipa amu ka maso anu, ni mindombo makatani kwanu, se va na mi tsindaveta ka ditiko diya mi no zumba ka dona.

Masalmo 106:36

ve khozela sithombe sawe, asi si nga va khuvekisa.

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Valamuli 3:6

va to teka vanana vamahorana va vamatiko va txi maha vasikati vawe, se ni vona ve ningela vanana vawe vamahorana ka mazambi a vamatiko; aniko va to khozela sizimu sawe.

Valamuli 2:21

Ni ka kudotho, kha ni na mbi tutumisa ni da dimwedo ditiko masoni kwawe, ale Joxuwa a nga ma siya kufani kwakwe.

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Eksodha 23:33

Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

Valamuli 2:4

Se ku to maheka taku yi txi ngadi yi womba-womba mapswi awa Ngelozi ya Mkoma, ka votshe vanana va ka Israyeli, vathu va to guleta mapswi awe ve dila.

Valamuli 8:27

Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.