Valamuli 2:20 - Bhiblia Yo Sawuleka

²⁰ Ngu kumaha keto, kuhenya ka Mkoma a to wukela va ka Israyeli; se a txi khene: “Ngako vathu vava va nga leka txitumelelano txangu, atxi ni nga ti leletete vatate vawe, va si engisi dipswi dangu.

Valamuli 2:20 Referans Kwoze

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Ezekhiyele 20:37

Kambe ni na mi maha mi pinda ngu hahatshi ka ndonga, se ni txi mi maha mi pinda ngu ka txitsaniso txa txitumelelano.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.

Masalmo 78:10

kha va xonipha txitumelelano txawe ni Txizimu kambe va lambile kuvekisa mlayo wa txona;

Mitengo 32:13

Ngu toneto, ku to tura kuhenya ka Mkoma, e wukela va ka Israyeli, e va maha ve tsimbila ve txheka, liza li guma lotshe liveleko lile li nga ti mahile wubihi, masoni ka Mkoma.

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

Masalmo 106:40

Ngu toneto, Mkoma a to henyela vathu vakwe, e tsukula vathu va i kuthomba yakwe.