Valamuli 2:2 - Bhiblia Yo Sawuleka

² Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?

Valamuli 2:2 Referans Kwoze

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

Jeremiya 2:18

U tsimbilela txani ngu nzila ya Egipta, kuya sela mati a Nilo kani? U tsimbilela txani ngu nzila ya Asiriya kuya sela mati a mnambo kani?

Valamuli 2:20

Ngu kumaha keto, kuhenya ka Mkoma a to wukela va ka Israyeli; se a txi khene: “Ngako vathu vava va nga leka txitumelelano txangu, atxi ni nga ti leletete vatate vawe, va si engisi dipswi dangu.

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

1 Pedro 4:17

Nguko yi hokile mbimo ya kukhata ngu Nyumba ya Txizimu yi txi lamulwa. Se ngako ku txi khatwa ngu ngathu njiavelo muni va nota txi mana ava va si engisiko Evhangeli ya Txizimu, kani?

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Valamuli 6:8

Mkoma a to rumela vaprofeti ka vanana va ka Israyeli, a txi ya va gela ku khene: “Mkoma, Txizimu txa ka Israyeli, a khene: Ani ni mi humisile ditikoni ka Egipta, ni mi thavisile nyumbani ka wukhumbi.

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Joxuwa 9:7

Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

Valamuli 6:10

Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.

Valamuli 8:27

Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.