Valamuli 2:14 - Bhiblia Yo Sawuleka

¹⁴ Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Valamuli 2:14 Referans Kwoze

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.

Valamuli 4:2

Se Mkoma a to va ningela manzani ka Jabhini, mfumeli wa Kanana, a nga ti fumela Hazori; se Sisera i ti ti nduna ya dibutho da kona, awule a nga ti akile Haroseti-wa vamatiko.

Levhi 26:37

Mi na humbana mmwani a txi wela txitimwi ka mmwani, ku nga mo tutumiswa hambi mi si tutumiswi, kambe kha mi na mbi sikota kuema masoni ka valala vanu.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Jeremiya 37:10

Nguko hambi i ti ku mi ti ko tshinda yotshe yimbi ya Vakaldheya va va mi wukelako, na ku ti sate dwe vo dayiswa, mmweyo ni mmweyo wawe a ndi na huma ngu ditendani kwawe, a txi ta hisa didhoropa diya.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Masalmo 44:12

U xavisile vathu vako ngu sa kwa mbi nyawula, kambe khwa engetela mtengo wo xavisa ngu wona thomba.

2 Makronika 15:5

Ka mbimo yoneyo ku si na kuthutha ka va va humako hambi ka va va wulelako, vathu va ditiko dile va ti ti hanya ka xomulo ya hombe ngutu.

Valamuli 1:34

Se Vaamori va to xanisa vanana va ka Dhani, kala kuya hoka mmangoni; nguko va ti si va leki va txi relela mkovani.

Valamuli 1:19

Se Mkoma a ti ti kumweko ni va ka Judha, kambe a to fuvisa vazumbi va mimangoni, aniko kha tutumisa vaaki va Libalani, nguko va ti ti ni sikotxikani sa tisimbi.

Dhewuteronome 28:58

Ngako u si khatali ngu kuvekisa otshe mapswi a mlayo wuwa, aawa ma nga bhalwa ka dibhuku diya, ni kuthava ditina diya da wudhumo ni kuthisa, da Mkoma, Txizimu txako,

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Dhewuteronome 28:20

Mkoma a na kurumela makhombo, ni kuxaniseka, ni kumwalalelwa ka yotshe mithumo ya manza ako, kala u txi loviswa, u fuviswa ngu txikuluveta, ngu mhaka ya kubiha ka mithumo yako, yile u nga ni leka ngu yona.

Mitengo 32:14

Se anu vathu va sionho, anu mi nga teka wukhalo wa vatate vanu, kasi ku miya masoni ngu kuturisa kutsukula ka Mkoma, e hambana ni Isayeli.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Valamuli 2:20

Ngu kumaha keto, kuhenya ka Mkoma a to wukela va ka Israyeli; se a txi khene: “Ngako vathu vava va nga leka txitumelelano txangu, atxi ni nga ti leletete vatate vawe, va si engisi dipswi dangu.

Valamuli 3:12

Hambi keto, vanana va ka Israyeli va to engeta kumahetela kubiha masoni ka Mkoma; sekoko Mkoma a to ninga mtamo ka Egloni, mfumeli wa Mowabhi, wo wukela va ka Israyeli, nguko va nga maha kubiha masoni ka Mkoma.

2 Samuwele 7:11

kukhukhela ka ditshiku dile ni nga veka valamuli txitimwi ka vathu vangu va ka Israyeli. Aniko awe ni ku ningile kuhumula ka votshe valala vako; nene Mkoma aku zivisile ti to Mkoma a na ku mahela nyumba.

2 Vafumeli 13:3

Ngu kumaha keto, kuhenya ka Mkoma ku to tura ka Israyeli, e va ningela manzani ka Hazayeli, mfumeli wa Siriya, ni manzani ka Bheni-Hadhadhe mwana Hazayeli, ka otshe masiku wawe.

Nehemiya 9:27

Ngu toneto, u va ningete manzani ka valala vawe ve va xanisa; kambe ka mbimo ya kuxaniseka kwawe, va pekile huwa kwako, awe u to engisa u di nzumani; se ngu mhaka ya wumbilu wako wa hombe, u va ningile vatxhatxhisi, va va nga va txhatxhisa manzani ka vaxanisi vawe.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Mitengo 32:13

Ngu toneto, ku to tura kuhenya ka Mkoma, e wukela va ka Israyeli, e va maha ve tsimbila ve txheka, liza li guma lotshe liveleko lile li nga ti mahile wubihi, masoni ka Mkoma.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

2 Makronika 28:5

Mkoma Txizimu txakwe txi to mningela manzani ka vafumeli va Siriya. Vasiriya va to mxasela ve teka ni vathu vakwe ve va yisa Dhamasku. Akazi a to ningelwa manzani ka mfumeli wa va ka Israyeli, se Vaisrayeli va to mxula.

Masalmo 44:11

U hi ningete kufana ni tinvuta to yela kuya dawa; u hi hangalasile hagari ka vathu va mamwani matiko.

Isaya 42:24

I mani a nga ningela Jakobe kuva e handwa, ni Israyeli manzani ka makhamba kani? Ina hi nga Mkoma wule va nga muonhela, wule va nga lamba kutsimbila ngu nzila yakwe, va si engisi mlayo wakwe kani?