Biblia Todo Logo
Bib sou entènèt

- Piblisite -




Valamuli 2:12 - Bhiblia Yo Sawuleka

12 Se va to leka Mkoma, Txizimu txa vatate vawe, awu a nga va humisa ditikoni ka Egipta, ve londetela simwani sizimu, sa vathu vale va nga ti ti va ranganyetile, se va to khizama ka sona, veza ve wusa kuhenya ka Mkoma.

Gade chapit la Kopi




Valamuli 2:12
21 Referans Kwoze  

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.


Sekoko vathu va na xamula va txi kha vona: “Nguku va nga hambana ni txitumelelano txa Mkoma, Txizimu txa vatate vawe, atxi a nga ti mahile navo mbimo yile a nga va thavisa ditikoni ka Egipta;


Se mprofeti wule mwendo mlori, a fanete kudawa, nguko a kujetete vathu kuhambana ni Mkoma, Txizimu txanu, awu a nga mi humisa ditikoni ka Egipta, a txi mi hulukisa ka nyumba ya wukhumbi; kasi ku mi hambukisa ka nzila yi Mkoma, Txizimu txanu, a nga mi leleta, kasi ku mi tsimbila ngu yona; ngu kumaha keto, mi na thavisa wubihi hagari kwanu.


Ku nga thuke ku txi vaho hagari kwanu wamwamna mwendo wamsikati, mwendo mwaya mwendo lihunzu, ahale mbilu ya vathu va kona yi ti hambukisako ka Mkoma, Txizimu txathu, ngu kuya khozela sizimu sa ona matiko ale; kasi ku hagari kwanu ku si maneki mkoloti wu wu velekako mndonga wa nyongwa, mwendo wo bava.


khu na mbi si khozela, kambe khu na mbi si thumela, nguko ani, Mkoma, Txizimu txako, ni Txizimu txa txiluse, atxi txi tsayisako vanana ngu mhaka ya sionho sa vaveleki vawe, kala ka liveleko la wuraru ni la wumune ka vale va ni vengako.


Va ka Israyeli va to ti sawulela simwani sizimu sasiphya, se koneko yimbi yi to wulela tinyumbani kwawe. Hagari ka 40.000 wa vavamna va va ka Israyeli, ku ti si nga ho ni wammweyo a nga ti ñote txitxhavangu mwendo ditxhari.


Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”


Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.


Se ku to maheka taku, msana ka kufa ka Gidhiyoni, vanana va ka Israyeli va to tshumela va txi ti nyenyezisa ngu kulondetela va ka Bhahali, ve teka Bhahali-Bheriti va txi mmaha txizimu txawe.


Ngu konaho, Mkoma a to khene ka vanana va ka Israyeli: “Ina kha na mi hulukisa manzani ka Vaegipta, ka Vaamori, ka Vaamoni, ka Vafilista,


Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.


ve khozela sithombe sawe, asi si nga va khuvekisa.


Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.


Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.


Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.


Nguko eto ti nava i di txikombiso kwako, i di txialakanyiso ha mbanza kwanu, nguko Mkoma a hi thavisile ditikoni ka Egipta ngu mtamo wakwe wa hombe.


Mbimo yile mi no maneka mi di velekile vanana ni vatukulu, ni kuva se mi di kumbile ha mafuni, mi ti bihisa ngu ku ti khandela sithombe sokari, mi txi maha ati i ku to biha masoni ka Mkoma, Txizimu txanu, miza mi txi mu henyisa,


Ti wonele, u si divali Mkoma, a nga kuhumisa ditikoni ka Egipta, ka nyumba ya wukhumbi.


Sekoko u na khawe kwawe: “Vatate vanu va ni lekile, kuwomba Mkoma, ve londetela simwani sizimu, ve si thumela ni ku si khozela; va ni lekile, kha va vekisa mlayo wangu.


Swiv nou:

Piblisite


Piblisite