Valamuli 2:10 - Bhiblia Yo Sawuleka

¹⁰ Kambe li to sengeletwa lotshe liveleko lile ka vatate va lona, se msana ka kufa ka Joxuwa, ku to humelela limwani liveleko, li nga si zivi Mkoma, hambi kuziva ni ka kudotho mthumo wu a nga wu maha ka Israyeli.

Valamuli 2:10 Referans Kwoze

1 Samuwele 2:12

Aniko vanana va Eli i ti ti vanana va wubihi, kambe va ti si zivi Mkoma;

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Mithumo 13:36

“Kasi i di Dhavhidha, ngako a di hetile, ka mbimo ya kuhanya kwakwe, mthumo wu Txizimu, ngu makungo a txona, txi nga ti msikete ona, ene a to otela, se e tshotshwa hafuhi ni vatate vakwe, e sina.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

2 Samuwele 7:12

Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Jeremiya 22:16

A lamute mhaka ya mxaniseki ni wa kupwata, ngu mhaka yeto ti m'humete kha kwati; ina eko hi nga kona ku ni ziva kani? Kuwomba Mkoma.

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Jobe 21:14

Se va veka ni ku kha vona ka Txizimu: Khukha hawa kwathu; nguko kha hi naveli kumana wuzivi ka tinzila tako.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Mitengo 27:13

Sekoko u ti di woni, u na tshumetelwa ka vakwanu, nga ti a nga mahiswa tona mwananu Aroni.

Genesisi 49:33

Ngako Jakobe a di gwitile kuninga sileleto ka vanana vakwe, a to peta minenge yakwe ha m'bhedhuni, efa eya tshangana ni va ka kwawe.

Genesisi 25:8

Abrahamu a to ningela muhefemulo wakwe, a fite a di kumbile ngutu, i di txikhovana, a to ya tshangana ni va ka kwawe.

Genesisi 15:15

Se awe u na tshumelela ngu kuthutha ka vatate vako; u na ya tshotshwa, u di kumbile ngutu.

Genesisi 25:17

Ngu yiya tanga ya kuhanya ka Ismayeli: 137 wa malembe, se a to ningela muhefemulo wakwe, efa, eya ti patanisa ni va ka kwawe.

Eksodha 1:6

Ngako koko Josefa a di fite, ni votshe vanawe, ni lotshe liveleko la mbimo yoneyo,

Eksodha 1:8

Msana keto, ku to humelela mfumeli wamphya ditikoni ka Egipta, awu a nga ti sa m'ziva Josefa.

Joxuwa 24:31

Israyeli a thumete Mkoma amu ka otshe masiku a kuhanya ka Joxuwa, ni ka masiku otshe a madhota awa ma nga hanya msana ka kufa ka Joxuwa, i ku vale va nga ziva mithumo yotshe yile, Mkoma a nga yi maha ka vanana va ka Israyeli.

Jeremiya 9:2

I ti ku no va ni dizumbo da vatsimbili muwa txiwulani, sekoko ni ndi nava ni di lekile vathu vangu, ni khukha hagari kwawe, nguko votshe va ni wugango, msengeletano wa vakangayisi.

Jeremiya 9:5

Vona votshe va kanganyisana, kha va wombawombi ditshuri; va gondisile tidimi tawe kuhemba makuhu, ve ti karata ngu kumaha kubiha.

Luka 20:32

Ngu kugwitisa, a to fa nene wule wamsikati.