Valamuli 19:6 - Bhiblia Yo Sawuleka

⁶ Se va to khalahatsha, vedya ni kusela ngu wumbidi wawe. Se tate wa dihorana a to khene ka wamwamna wule: “Na ku kombela, tumela, ti to u zumba kambe wusiku wuwa, kasiku mbilu yako yi txi tsaka.”

Valamuli 19:6 Referans Kwoze

Valamuli 19:9

Sekoko wamwamna wule a to khukha kasi ku a txi tsula, ene, ni txikaba txakwe, ni dijaha dakwe; se tate wa msikati wakwe, a to m'gela ku khene: “Wona taku ditambo diya kuswani, se wusiku wa hoka, na ku kombela taku u txi otela kambe kona hawa wusiku wuwa; nguko se ditshiku da guma, otela kona hawa wusiku wuwa, niku mbilu yako yi na tsake; se mangwana ni mabimbi-kutxa, mi na wuka mi txi tsula ditendani kwanu.”

Valamuli 16:25

Se ku to maheka taku, na timbilu tawe ti di tsakile, va to kha vona: “Dhanani Samusoni, kasi ku a txi sakana masoni kwathu.” Se va to ya dhana Samusoni mkorani, a txi ta sakana masoni kwawe; ve muemisa hagari ka tiphande.

Rute 3:7

Bhowazi ngako a di dyite ni kusela, na mbilu yakwe yi di tsakile, a to ya otela hafuhi ni mmumbu wa sevhadha; sekoko Rute a to ta ngu kunyanimela, a txi ya vhunungula didhamba ngu mikondoni ka Bhowazi, a txi otela.

Esteri 1:10

Se ka ditshiku da wutxhanu ni mambidi, na mfumeli a di tsakile ngu vhinya, a to ruma Mewumani, Bhizita, Haribhona, Bhigita, Abhagita, Zetari, ni Karika, i ku mtxhanu wa mithenwa ni yimbidi, yile yi nga ti thumela mfumeli Asuwero,

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Mtuletelo 11:10

Vaaki va ditikonimo va na tsaka ngu toneto, va na giya ve ningana siningo, nguko vaprofeti vava vavambidi va ti ti xanisile vaaki va ditikodo.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

1 Samuwele 25:36

Mbimo yile Abhigayeli a nga wuya ka Nabhali, a to mana taku m'tini kwakwe ku ni m'buso wa hombe, wo fana ni m'buso wa mfumeli; se mbilu ya Nabhali yi ti ti tsakile ngutu, a di levile ngutu, aha koza asi m'gela txilo kala ni mixo.

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Valamuli 19:7

Aniko awule wa dijaha a to khukha a txi lava kutsula, kambe tate wa msikati wakwe a to mkurumeta ku a txi otela kambe ka wusiku wonewo.

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

1 Vafumeli 21:7

Sekoko msikati wa kona Jezabheli, a to khene kwakwe: Kasi hi ngawe mfumeli wa Israyeli konkuwa kani? Wuka u txi dya dipawu, kambe mbilu yako yi na tsake; ani ni na kuninga thembwe ya Nabhote, Mujezireyeli.