Valamuli 19:3 - Bhiblia Yo Sawuleka

³ Se mwamna wakwe a to khukha a txi mlondeta, kasi ku a txi ya womba-womba nayo mapswi a ku mkhongotela, ni kutshumela a txi wuya nayo; se a ti ti tekile dijaha dakwe ni timbongola timbidi, se awule wamsikati a to mteka a txi wulela nayo nyumbani ka tate wakwe, se mbimo yile tate wa kona a nga mmona, a to m'hingeta ngu kutsaka.

Valamuli 19:3 Referans Kwoze

Genesisi 50:21

Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Genesisi 34:3

Aniko msana keto, a to randa wule wa dihorana ngu ditshuri, se e maha ngu kuwombawomba nayo ngu lirando.

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

Johani 8:11

Ene a to angula a txi khene: “Mkoma, kuwalo ni wammweyo!” Jesu a to womba a txi khene: “Hambi ani kha ni ku abanisi. Tsula, aniko u nga engete kambe u txi onha.”

Matewu 1:19

Aniko Josefa, mwamna wakwe, ngako i nga ti m'thu wo lulama, asi ti lavi ku mu bhumisa phungo yo biha, a to alakanya ku mu leka, na ti si ziwi.

Hoseya 2:14

Wonani taku, ani ni na mndinda, ni m'yisa txiwulani, ni ya womba-womba mbiluni kwakwe.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Valamuli 15:1

Se msana ka masiku okari, ku to maheka taku, ngu mbimo ya kuelulwa ka fulaho, Samusoni a to endela msikati wakwe, a di ni phongo, a txi ya khene: “Ni na wulela txibhiyani, amu a ku kona msikati wangu.” Aniko tate wa msikati wakwe, kha mleka e wulela.

Mitengo 22:22

Se kuhenya ka Txizimu ku to tura, nguko ene a ti ti tsula; se Ngelozi ya Mkoma yi to tsiva nzila, kasi ku asi pindi; ene a ti gadhile mbongola yakwe ni sithumi sakwe sa simbidi si txi mpangalata.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Levhi 19:17

U nga vengele wa ka kwanu mbiluni kwako; mkawuke ngako ti txi laveka, u si wi txionhoni ngu mhaka yakwe.

Valamuli 19:2

Aniko awule wa txikaba a to maha wugango, se a txi thava, e tshumelela m'tini ka tate wakwe, kona Bhetlehema ka Judha, eyo a nga ya zumba kona masiku okari, a kudingana mune wa mitxima.

Valamuli 19:4

Se tate wa msikati wakwe, a to mñola, a txi zumba nayo masiku mararu; se va to dya ni kusela, va txi otela koneho.

Valamuli 19:26

Se di txi ya kutxani, awule wamsikati a to ta wa ha txikeni ka nyumba ya txikosana txile a nga ti ti ka yona nyamne wakwe, a txi zumba kona kala di txi txa.

Hoseya 2:16

Se ku na maheka ka dona ditshiku dile, kuwomba Mkoma, ti to u ni dhana, ku khawe: “Mkatangu, kambe khu na mbi ni dhana kambe ku khawe: Bhahali wangu.”