Valamuli 19:23 - Bhiblia Yo Sawuleka

²³ Se wamwamna wule wa nyamne wa nyumba a to va hingeta, a txi va gela ku kha ene: “Ahim-him vanathu! Na mi kombela, mi nga maheni kubiha ka ku nga eto; nguko m'thu wuwa ku a nga wulela nyumbani kwangu, mi nga maheni kubiha ka ku nga eto.

Valamuli 19:23 Referans Kwoze

2 Samuwele 13:12

Kambe Tamara a to m'gela ku khene: Ahim-him ndiyangu, u nga ni kurumete, nguko kha ti mahwi to nga eto amu Israyeli; u nga mahe wuphukuphuku wo nga wuwa.

Valamuli 20:6

Sekoko ni to teka txikaba txangu, ni txi txi wilela ngu sihango, ni txi si rumela ka dotshe ditiko di i kuthomba ya ka Israyeli, nguko va mahile mhaka yo biha yo nga yoneyo, i ku txiruko ka va ka Israyeli.

Genesisi 34:7

Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila.

Joxuwa 7:15

Se ku na maheka tito, wule a no manwa a di ni sile so yiliswa, a na hiswa ngu mndilo, ene ni sotshe sile a ku naso, nguko a nga leka txitumelelano txa Mkoma, a txi maha wubihi ka Israyeli.

Dhewuteronome 22:21

sekoko va na teka wule wa dihorana ve tsula nayo ha txikeni ka nyumba ya tate wakwe, se majaha a didhoropani kwawe, ma na m'balisela ngu marigwi kala a txi fa; nguko a mahile to biha ka va ka Israyeli, ngu kumaha wugango nyumbani ka tate wakwe; ngu toneto u na va u txi fuvisa wubihi hagari kwanu.

Genesisi 19:8

Engisani: Ni na ni vanana vambidi vamahorana, ava va sinziko kuotela ni vavamna; ni na mi tisela vona, kasi mi txi maha kuranda ngu vona; aniko majaha awa mi nga maheni txilo ka ona, nguko vona, va wulete mtsudini ka nyumba yangu.”