Valamuli 19:20 - Bhiblia Yo Sawuleka

²⁰ Sekoko txikosana txile txi to kha txona: “Kudikha ku nave ni nawe; totshe ti ti no ku kelelela ni na ku mahela, aniko mi nga oteleni hamtendelani wusiku wuwa.”

Valamuli 19:20 Referans Kwoze

Valamuli 6:23

Aniko Mkoma a m'gete a txi kha ene: “Kudikha ku nave ni nawe! U nga thave nguko khu na mbi fa.”

1 Johani 3:18

Sivananananu sangu, hi nga randeni ngu txisofu ni lidimi, aniko he randaneni ngu mithumo ni ditshuri.

1 Pedro 4:9

Zivani kuamukelana mbimo yi mi endelanako, na mi si ngungurukeli.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Vagalatiya 6:6

Awule a gondiswako Dipswi, a na abane ni m'gondisi wakwe sotshe sa sinene si a ku naso.

1 Vakorinto 1:3

Kateko ni kudikha si nave ni nanu, si txi ta ngu ka Txizimu, Tate wathu, ni ka Mkoma Jesu Kristu!

Varoma 12:13

Vhunetani vasawuleki ka si va si pwatako, mi txi amukela vapfhumba ngu manza mambidi.

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

1 Makronika 12:18

Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.

1 Samuwele 25:6

Se mi na ya khanu ka m'thu wule wo humelela: Kudikha ku nave ni nawe, ni nyumba yako yi nave ni kudikha, ni sotshe si wu ku naso si nave ni kudikha.