Valamuli 19:18 - Bhiblia Yo Sawuleka

¹⁸ Se ene a to mxamula a txi khene: Hita ngu Bhetlehema ka Judha, hi ya madhawani ka mmango wa ka Efrayime, eyo ni nga velekelwa kona; nguko ni ti ko ya Bhetlehema ka Judha; kambe konkuwa ni ya Nyumbani ka Mkoma, nguko kha ku nga ni wammweyo wa ku ni amukela m'tini kwakwe,

Valamuli 19:18 Referans Kwoze

Valamuli 18:31

Ngu kumaha keto, txithombe txile txo vatwa txile txo mahwa ngu Mika, va to ti emisela, ka otshe masiku ale Nyumba ya Txizimu yi nga txi maneka kona Silo.

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Masalmo 26:9

U nga ni fuvise kumweko ni vaonhi; ni hulukise ka txitsayiso txa sigevenga,

1 Samuwele 1:7

Se a ti mahisa toneto dilembe ni dilembe; mbimo yi Ana a nga ti kwelela eya Nyumbani ka Mkoma, Penina a ti ko mtxhepeta; se a txi zumba ngu kudila, asi dyi txilo.

1 Samuwele 1:3

Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

Valamuli 19:5

Se ku to maheka taku ka ditshiku da wumune, ve phindula, se Mlevhi e wuka kasi ku a txi khukha, sekoko tate wa dihorana a to khene ka mwane wakwe: “Susula ngu txikhwemu txa dipawu, se msana keto mi na tsula.”

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Valamuli 17:7

Se ku ti tiho dijaha dokari da Bhetlehema ka Judha, wa lihunzu la ka Judha, i nga ti ti Mulevhi, na i ti muluveli.

Valamuli 19:17

Mbimo yile ene a nga gula maso, a to wona m'thu wule ha mtendelani ka didhoropa; se txikosana txi nje kha txona: “Uya hani, niku uta ngu hani kani?”

Valamuli 19:19

hi ni mwasi ni lihawu lo dyisela ka lona timbongola tathu, se ni dipawu ni vhinya sa kudingana ani, ni sa txithumi txako txa txisikati, ni sa dijaha di di tako ni sithumi sako; kha ku pwateki txilo ni txa tximwetxo.

Mavingu 25:17

U nga tate mikondo m'tini ka mwakelani wako, kasiku asi karali ngu ngawe, e kuvenga.