Valamuli 19:16 - Bhiblia Yo Sawuleka

¹⁶ Se wona taku wamwamna wokari wo kumba a ti ti wuya ngu kuthumani thembweni kwakwe; se wamwamna wuwa i ti ti wa mmangoni ka va ka Efrayime, aniko i ti ti muwuyi wa Gibheya; sekoko vavamna va wukhalo wuwa i ti ti vanana va ka Bhenjamini.

Valamuli 19:16 Referans Kwoze

Masalmo 104:23

Sekoko nguyo mbimo, m'thu a humako eya mthumoni a txi ya thuma kala di txi swa.

Valamuli 19:1

Ku to maheka kambe ka ona masiku ale, ku nga ti si nga ni mfumeli ka Israyeli, taku ku txi maneka wamwamna wa Mlevhi, a nga ti ti luvela madhawani ka mmango wa ka Efrayime, a to ti tekela wamsikati wa txikaba, wa Bhetlehema ka Judha.

2 Vatesalonika 3:10

Mbimo yi hi nga ti ni nanu, hi ti mi gela ta tinene, hi txi khathu: Awu asi ti laviko kuthuma, kha nga ni fanelo ya kudya.

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

Ekleziyaste 5:12

Wukohe wa mthumi wa tshamba, hambi a di dyite sa sidotho mwendo sasingi; aniko kukhura ka nyatithombe ka mpwatisa wukohe.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Mavingu 24:27

Tshurisela mithumo yako hahanze, u yi hetisela thembweni, sekoko aka nyumba yako.

Mavingu 14:23

Ka yotshe mithumo ku ni dibhindu, aniko mapswi a txisofu ma yisa wusiwanani.

Mavingu 13:11

Thomba yo manwa ngu wukanganyisi yi na boxa, aniko awule a yi manako ngu kuthuma, a na engetelwa.

Masalmo 128:2

U na dya mihando ya manza ako, u na kateka, se totshe tako ti na tsimbila kwati.

Valamuli 19:14

Va to pinda koko va txi tsimbila veya masoni, va di hokile hafuhi ka Gibheya, i ku didhoropa da ka Bhenjamini, ditambo se di ti swite.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Valamuli 19:15

Se va to khukha va txi ya otela kona Gibheya, wona wusiku wule; se ngako Mulevhi a di wulete, a to ya khalahatsha ha mtendelani ka didhoropa, nguko kha ka maneka ni wammweyo wa ku va amukela m'tini kwakwe, kasiku va txi ya otela kona wusikuwo.

Valamuli 19:17

Mbimo yile ene a nga gula maso, a to wona m'thu wule ha mtendelani ka didhoropa; se txikosana txi nje kha txona: “Uya hani, niku uta ngu hani kani?”

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.