Valamuli 19:15 - Bhiblia Yo Sawuleka

¹⁵ Se va to khukha va txi ya otela kona Gibheya, wona wusiku wule; se ngako Mulevhi a di wulete, a to ya khalahatsha ha mtendelani ka didhoropa, nguko kha ka maneka ni wammweyo wa ku va amukela m'tini kwakwe, kasiku va txi ya otela kona wusikuwo.

Valamuli 19:15 Referans Kwoze

Valamuli 19:18

Se ene a to mxamula a txi khene: Hita ngu Bhetlehema ka Judha, hi ya madhawani ka mmango wa ka Efrayime, eyo ni nga velekelwa kona; nguko ni ti ko ya Bhetlehema ka Judha; kambe konkuwa ni ya Nyumbani ka Mkoma, nguko kha ku nga ni wammweyo wa ku ni amukela m'tini kwakwe,

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Matewu 25:43

mbimo yi ni nga ti muendi, kha ma ni amukela; ni ti ti ni wusakato, aniko kha ma ni ambeka; mbimo yi ni nga ti ti lwala mwendo ni nga ti ku khotelwani, kha mata mi ta ni xola.’ ”

Matewu 25:35

Nguko mbimo yi ni nga ti ni nzala, anu mi ni phamete sakudya; mbimo yi ni nga ti ni ditora, mi ni ningile mati ni sela; mbimo yi ni nga ti muendi, mi ni amukete.

Valamuli 19:14

Va to pinda koko va txi tsimbila veya masoni, va di hokile hafuhi ka Gibheya, i ku didhoropa da ka Bhenjamini, ditambo se di ti swite.

Valamuli 19:16

Se wona taku wamwamna wokari wo kumba a ti ti wuya ngu kuthumani thembweni kwakwe; se wamwamna wuwa i ti ti wa mmangoni ka va ka Efrayime, aniko i ti ti muwuyi wa Gibheya; sekoko vavamna va wukhalo wuwa i ti ti vanana va ka Bhenjamini.

Valamuli 20:4

Sekoko wamwamna wule wa Mulevhi, i ku mwamna wa wule wamsikati a nga dawa, a to xamula a txi khene: Ni hokile Gibheya ni txikaba txangu, ka didhoropa da ka Bhenjamini, kasi kuya otela kona;