Valamuli 19:12 - Bhiblia Yo Sawuleka

¹² Aniko nyamne wakwe a to mxamula a txi kha ene: “Lambi, hi nga wuleleni ka didhoropa ni da dimwedo da vane, daku va i si nga da vanana va ka Israyeli, aniko hi na pindelela kala Gibheya.”

Valamuli 19:12 Referans Kwoze

Valamuli 19:11

Ngako koko, va ti hafuhi ni Jebhusi, na se ditambo di di swite ngutu, dijaha di to kha dona ka nyamne wa dona: “A hi tsimbileni konkuwa, hi txi ya wulela ka didhoropa diya da Vajebhusi, hi otela kona wusiku wuwa.”

Valamuli 19:13

A to khene kambe ka dijaha dakwe: “A hi tsimbileni, hi txi hoka ka wumwewo wa makhalo ale, hi txi ya otela Gibheya mwendo Rama wusiku wuwa.”

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Joxuwa 18:25

Gibheyoni, Rama, ni Bheherote,

Joxuwa 18:28

Sela, Elefi ni Gebhusi, (e ku Jerusalema), i Gibheya ni Kiriyati: Digumi da madhoropa ni mune, ni miti ya kona; ayiya i thomba ya vanana va ka Bhenjamini, madingano ni mtengo wa timwaya ta kona.

1 Samuwele 10:26

Sawule nene a to tsula m'tini kwakwe, kona Gibheya; se ka dibutho a to tsula ni vale Txizimu txi nga gwesa timbilu tawe.

1 Samuwele 13:2

Sekoko Sawule a to ti sawulela 3.000 wa vavamna va ka Israyeli; se 2.000 wawe a ti ti navo kona Mikimaxi ni mmangoni ka Bheteli, se 1.000 wa vona va ti ti ni Jonata kona Gibheya ka Bhenjamini; kambe votshe vathu vale va nga sala a to va tshumeta, mmweyo ni mmweyo eya m'tini kwakwe.

Isaya 10:29

Se va pinda, kambe va gova Gebha; se Rama wa dhudhumela, Gibheya wa Sawule wa tutuma.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.