Valamuli 19:1 - Bhiblia Yo Sawuleka

¹ Ku to maheka kambe ka ona masiku ale, ku nga ti si nga ni mfumeli ka Israyeli, taku ku txi maneka wamwamna wa Mlevhi, a nga ti ti luvela madhawani ka mmango wa ka Efrayime, a to ti tekela wamsikati wa txikaba, wa Bhetlehema ka Judha.

Valamuli 19:1 Referans Kwoze

Valamuli 18:1

Ka ona ale masiku, ku ti si nga ni mfumeli Israyeli, se ka masiku oneyo lihunzu la ka Dhani, li ti ti lava ditiko do aka ka dona; nguko kala ka dona ditshiku dile, va ti sanzi kuabaniselwa ditiko, hagari ka tihunzu ta ka Israyeli.

Valamuli 17:8

Se wamwamna wuwa a to rura didhoropani ka Bhetlehema wa Judha, kasi kuya luvela ni hani a no mana kuamukeleka; ngako a di hokile koko mmangoni ka Efrayime, a to tsimbila kala m'tini ka Mika,

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Valamuli 21:25

Ka ona masiku ale, ku si nga ni mfumeli ka Israyeli, ngu kumaha keto, mmwani ni mmwani a ti ti mahela ati a nga txi ti wona i di to lulama kwakwe.

Valamuli 17:6

Ka masiku ale, ku ti si nga ni mfumeli kona Israyeli, mmwani ni mmwani a txo ti mahela ati a nga txi ti wona i di ta tinene kwakwe.

Joxuwa 24:33

Sekoko, Eleyazari, mwana Aroni a to fa nene, se veya mtshotsha Gibheya, didhoropa da Finiyasi, mwanakwe, adi a nga ningwa kona mmangoni ka Efrayime.

Joxuwa 24:30

Va to mtshotsha amu ditikoni ka thomba yawe, ayi a nga yi amukela, kona Tamnati-Sera, ku ku mmangoni ka Efrayime, ngu wuphemba ka mmango wa Gahaxi.

Dhaniyeli 5:3

Sekoko va to tisa siya sa nzalama, asile si nga ti tekilwe ka dithepele da Nyumba ya Txizimu, yi yi nga ti ti Jerusalema, se mfumeli ni vahombe vakwe, ni vavasikati vawe ni sigango sawe, va to sela ngu sona vhinya.

Esteri 2:14

ni minova di ti ti wulela, ni mixo di tshumelela ka nyumba ya wumbidi ya vavasikati, hahatshi ka dianza da Sahagazi, mthenwa wa mfumeli, muwoneleli wa vasikati vakwe vavadotho; asi tshumeli kambe eya ka mfumeli, hahanze ka kuva mfumeli a di mnavete, e tshumela e m'dhana ngu ditina dakwe.

2 Makronika 11:21

Se Robhowamu a to randa ngutu Mahaka, mwana Abhisalome, kupinda votshe vasikati va hombe ni va vasikati vavadotho a va a nga ti navo; nguko a ti tekile digumi da vavasikati ni mtxhanu ni vararu, ni mtxhanu wa magumi ni dimwedo a sigango; kambe a to veleka magumi mambidi a vanana va majaha ni mtxhanu ni mararu, ni mtxhanu wa magumi ni dimwedo a vanana vamahorana.

1 Vafumeli 11:3

A ti ti ni 700 wa vasikati, ni 300 wa sigango; se vasikativo vakwe va to m'dya mbilu.

2 Samuwele 20:3

Mbimo yile koko, Dhavhidha a nga wuya nyumbani kwakwe, kona Jerusalema, a to teka digumi da vasikati vakwe vavadotho, vale a nga ti va site ve xayisa nyumba, e va veka ka nyumba kuva vawoneleli, a txi va dyisa; aniko kha wulela kwawe, kambe a to va vhalela kala ditshiku da kufa kwakwe, ve hanya kufana ni tinoni.

2 Samuwele 19:5

Sekoko Jowabhi a to wulela nyumbani ka mfumeli, a txi khene: Nyamsi u thete tingana sotshe sithumi sako, sile nyamsi si nga hulukisa wutomi wako, ni wutomi wa vanana vako va majaha ni vamahorana, ni wutomi wa vasikati vako, ni wutomi wa vasikati vako vavadotho.

2 Samuwele 16:22

Sekoko va to gwimba ditenda txitimwi ka nyumba, se Abhisalome a to ya wulela ka vasikati va tate wakwe masoni ka votshe va ka Israyeli.

2 Samuwele 5:13

Se Dhavhidha a to teka kambe sigango ni vasikati va Jerusalema, msana ka kuva a di wuyile ngu Hebroni; va to velekela kambe Dhavhidha vanana va mazambi ni mahorana.

2 Samuwele 3:7

Se Sawule a ti ti ni txikaba, txi ditina da txona i nga ti ti Rispa mwana Aya; kambe Isibhosete a to khene ka Abhineri: Ngu kutxani u nga wulela ka txikaba txa tate wangu kani?

Valamuli 17:1

Se a ti tiho wamwamna wokari mmangoni ka Efrayime, awu ditina dakwe i nga ti Mika,

Genesisi 35:19

Rakeli a to fa, se e kelelwa hafuhi ni nzila ya kuya Efrata, i ku Bhetlehema.

Genesisi 25:6

A ningile simaha sokari ka vanana va sikaba sakwe, a txi ngadi e hanya, a to va hambanisa ni mwanana wakwe Isaake, a txi va rumela ka ditiko da wutxani.

Genesisi 22:24

Nahori a ti ni msikati wa txikaba, ditina dakwe i Rewuma, nene a mningile vanana i ku: Tebha, Gahamu, Tahasi ni Mahaka.

Valamuli 17:7

Se ku ti tiho dijaha dokari da Bhetlehema ka Judha, wa lihunzu la ka Judha, i nga ti ti Mulevhi, na i ti muluveli.

Valamuli 19:2

Aniko awule wa txikaba a to maha wugango, se a txi thava, e tshumelela m'tini ka tate wakwe, kona Bhetlehema ka Judha, eyo a nga ya zumba kona masiku okari, a kudingana mune wa mitxima.

Valamuli 19:16

Se wona taku wamwamna wokari wo kumba a ti ti wuya ngu kuthumani thembweni kwakwe; se wamwamna wuwa i ti ti wa mmangoni ka va ka Efrayime, aniko i ti ti muwuyi wa Gibheya; sekoko vavamna va wukhalo wuwa i ti ti vanana va ka Bhenjamini.

Valamuli 3:27

Se ku to maheka taku mbimo yi ene a nga wulela, a to veta mipundu a di mimangoni ka Efrayime; se vanana va ka Israyeli va to relela kumweko nayo ngu mimangoni, na ene a di masoni kwawe.

Valamuli 12:8

Se msana ka Jefta, Ibhisani, wa Bhetlehema, a to lamula va ka Israyeli.

Valamuli 18:13

Se kukhukhela konaho, va to tshawunyeta mmango wa Efrayime, kala va txi ya hoka nyumbani ka Mika.

1 Vafumeli 4:8

Se matina awe ngu awa: Bheni-huri, mimangoni ka Efrayime;