Valamuli 18:6 - Bhiblia Yo Sawuleka

⁶ Se mphaxeli a to va xamula a txi khene: “Tsulani ngu kudikha; nguko nzila yi mi nga yi teka yi masoni ka Mkoma.”

Valamuli 18:6 Referans Kwoze

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.

1 Vatesalonika 3:11

Ha kombela ti to Txizimu Tate wathu, ni Mkoma wathu Jesu Kristu, va txi hi tulela nzila yo ta kheyo kwanu.

Jeremiya 23:32

Ina, na wukela vale va profetako makuhu, kuwomba Mkoma, ngako va txi yi xawutela, ve hambukisa vathu vangu ngu makuhu awe ni kulalata kwawe. Kuve ani kha na va ruma, hambi ku va elela; kha va na txivhuno txa txilo ka vava vathu, kuwomba Mkoma!

Masalmo 33:18

Mkoma ngene a xayisako ava va mthavako, avale va thembako wunene wakwe,

1 Vafumeli 22:15

Mikaya a to ta ka mfumeli, se mfumeli a nje ku mu wotisa ku khene: Hi tsula ku yalwa ni didhoropa da Ramoti-Gileyadhi, mwendo hi nga tsule kani? Se Mikaya a to mxamula ku khene: Kwelela u na ya xula, nguko Mkoma a na di nigela manzani kwako, awe mfumeli.

1 Vafumeli 22:12

Se votshe vaprofeti va to profeta, va txi kha vona: Tsula didhoropani ka Ramoti-Gileyadhi, kambe u na ya xula, nguko Mkoma a na di ningela manzani kwako, awe mfumeli.

Dhewuteronome 11:12

Ditiko di Mkoma, Txizimu txako, a di xayisako; maso a Mkoma, Txizimu txako, ma wonetela dona yotshe mbimo, kukhukhela kukhatani, kala kugumani ka dilembe.

Valamuli 18:5

Sekoko va to m'gela va txi kha vona: “Ti di ngeto, wotisa ka Txizimu, kasi ku hi ziva ti to mwendo nzila yi hi yi tekako, yi na hi bhindulela.”

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

1 Samuwele 1:17

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”

Eksodha 4:18

Sekoko Mosi a to khukha a txi ya ka Jetro msade wakwe, a txi ya m'gela tiya: “Na kombela u txi ni leka ni tsula ditikoni ka Egipta, kasi kuya wona vanathu, mwendo va ngadi va txi hanya.” Jetro a mxamute a txi khene: “Tsula ngu kuthutha.”