Valamuli 18:5 - Bhiblia Yo Sawuleka

⁵ Sekoko va to m'gela va txi kha vona: “Ti di ngeto, wotisa ka Txizimu, kasi ku hi ziva ti to mwendo nzila yi hi yi tekako, yi na hi bhindulela.”

Valamuli 18:5 Referans Kwoze

1 Vafumeli 22:5

Josafati a to khene kambe ka mfumeli wa ka Israyeli: Nyamsi khata ngu kupfisisa dipswi da Mkoma.

Mithumo 8:10

Votshe va ti mu engisa, vavadotho ni vahombe, va txi kha vona: M'thu wuwa i mtamo wa Txizimu, atxi txi dhanwako ku i Wahombe.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.

Ezekhiyele 21:21

Nguko mfumeli wa Bhabhilona a na ema mahandakanyani, ngu txitimwi ka tinzila timbidi kasi ku e hutetela; a na lota tingove takwe, a na xaxuva titerafime, a txi dhunga ni sa mndani.

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.

2 Vafumeli 16:15

Se mfumeli Akazi a to gela mphaxeli Uriya, ku khene: Ka txiluvelo txa hombe, hisa mphaxo wa mixo, ngu toneto kambe ni ka mningelo wa sakudya wa wusiku, ni mphaxo wa mfumeli, ni mningelo wakwe wa sakudya, ni mphaxo wa votshe vathu va ditiko, ni mningelo wawe wa sakudya, ni miningelo yawe ya sa kusela; ni wotshe mnoha wa miphaxo, ni wotshe mnoha wa miningelo yo hiswa, u na xwayela ka txona; sekoko txiluvelo txa koporo txi na lumba ani, ni na mahela kona siwotiso.

Valamuli 18:14

Sekoko vavamna vale va mtxhanu va nga ya xola ditiko da Layisi, va to xamula ka vanawe va txi kha vona: “Ina ma tiziva taku, tinyumba mule ku ni efodhe yimweyo, ni titerafime, ni txithombe tximwetxo txo vatwa, ni tximwani txo wumbwa kani? Wonani koko konkuwa, ati mi no ti maha.”

Valamuli 17:13

Sekoko Mika a to khene: “Konkuwa na tiziva ti to Mkoma a na ni mahela ta tinene, nguko ni ni mphaxeli wa Mlevhi.”

Valamuli 17:5

Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.

Valamuli 18:4

Se ene a to va xamula ku khene: “I Mika a nga ni mahela tiya ni tiya; ene koko wa holela, se ani na mthumela ka wuphaxeli.”

Valamuli 18:6

Se mphaxeli a to va xamula a txi khene: “Tsulani ngu kudikha; nguko nzila yi mi nga yi teka yi masoni ka Mkoma.”

1 Samuwele 9:9

(Kale ditikoni ka Israyeli, ngako va txi ya wotisa ka Txizimu, va ti ti kha vona: Ngonani, hi tsimbile ka m'huti; nguko ka mprofeti wa nyamsi kale a ti dhanwa ku m'huti.)