Valamuli 18:30 - Bhiblia Yo Sawuleka

³⁰ Se vanana va ka Dhani va to ti emisela txithombe txile txo vatwa, se Jonatani, mwana Gerisoni, mwana Manasi, ene ni vanana vakwe, va to maha vaphaxeli va lihunzu la ka Dhani, kala ka ditshiku da kukhoziswa ka ditiko.

Valamuli 18:30 Referans Kwoze

Valamuli 17:5

Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.

Valamuli 17:3

Ngu kumaha keto, a to tshumeta male ya 1.100 ya silivhela ka mame wakwe; aniko mame wakwe a to khene: “Na ningela male yiya ngu dianza dangu ka Mkoma, kasi ku mwanana wangu a na mvatela txithombe ni ku txi wumba; se konkuwa, na yi tshumetela kwako.”

Valamuli 13:1

Se vanana va ka Israyeli va to engeta kumaha to biha masoni ka Mkoma, se Mkoma a to va ningela manzani ka Vafilista amu ka mune wa magumi a malembe.

Eksodha 2:22

Sekoko Zipora a to veleka mwanana wa mfana, awu ene Mosi a nga mraya ditina daku ngene Gerisoni, nguko a ti khene: “Ni mluveli ditikoni ka vane.”

Dhewuteronome 31:29

Nguko ani na tiziva tito, msana ka kuva ni di fite, mi na ti bihisa ngutu, ngu kuhambuka ka nzila yi ani ni nga mi leleta yona; sekoko makhombo awa ma na mi welela ngu mbimo yile yi tako, nguko anu mi na maha ti i ku ta walo masoni ka Mkoma, mi na mu henyisa ngu mithumo yo biha ya manza anu.”

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Eksodha 20:4

U nga ti mahele sifananiso so vatwa, hambi txifananiso txa sile si ku txitimwi nzumani, hambi txa sile si ku hahatshi ha mafuni, hambi txa sile si ku mu matini, hahatshi ka mafu.

Eksodha 18:3

Ni vanana vakwe vavambidi va vafana, avale mmweyo wawe a nga ti dhanwa ku i Gerisoni, nguko a ti khene: “Ni mluveli ditikoni ka vane.”

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

2 Vafumeli 17:22

Ngu kumaha keto, vanana va ka Israyeli, va to maha sotshe sionho sile Jerobhowamu a nga ti si mahile; kha va nga nga hambuka ka sona.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.