Valamuli 18:29 - Bhiblia Yo Sawuleka

²⁹ Se Didhoropa diya va to di dhana ngu ditina daku i Dhani, madingano ni ditina da Dhani, tate wawe, a nga velekwa ngu Israyeli, na ngu kukhatani ka kona koko, ditina da didhoropa diya i ti ti Layisi.

Valamuli 18:29 Referans Kwoze

1 Vafumeli 15:20

Se Bheni-Hadhadhe a to pfisisa mfumeli Asa, se e rumela vathangeli va yimbi avale a nga ti navo kuya ya wisa didhoropa da Israyeli, kambe va to ya xasela Ijomi, ni Dhani, ni Abhele-Bheti-Mahaka, ni dotshe didhoropa da Kinerete, ni dotshe ditiko da Naftali.

Joxuwa 19:47

Ditiko da vanana va ka Dhani di ti si va eneli votshe, ngu mhaka yeto, vanana va ka Dhani va to huma va txi yalwa ni didhoropa da Lexemi, va txi di khozisa ni kudayela vathu va kona ngu matxhari, ve teka didhoropa di txi maha dawe, va txi aka kona, ni ku di ninga ditina daku i Dhani, ditina da tate wawe.

Genesisi 14:14

Mbimo yile a nga ziva ti to Loti, mwanana wa mnanda wakwe a ñotwe, a to tshanganisa 318 wa tindena, ka va a nga ti zumba navo, e va londeta kala Dhani.

Valamuli 20:1

Sekoko votshe vanana va ka Israyeli va to huma, se msengeletano wu patana nga m'thu mmweyo, kukhukhela Dhani kala Bherisebha, kumweko ni ditiko da Gileyadhi, kona Misipa, masoni ka Mkoma.

2 Samuwele 17:11

Aniko ani ni womba tito, votshe va ka Israyeli va na ti pate kwako, ngu kukuluveta, kukhukhela Dhani kala Bhersebha, va di tate kufana ni mtxhefa wa lineneni, ni ti to awe upune tsula kulwani.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Genesisi 30:6

Sekoko Rakeli a to khene: “Txizimu txi ni lamute, txona txi ni engisile, txi txi ni ninga mwanana wa m'zambi.” Ngu mhaka yeto, a mrayile ditina daku i Dhani.

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Dhewuteronome 34:1

Sekoko Mosi a to khukha ngu libalani ka Mowabhi, a txi ya kwela mmangoni ka Nebho, txitimwi ka Pisiga, ku ku masoni ka Jeriko. Se Mkoma a to mkomba dotshe ditiko, kukhukhela Gileyadhi kala Dhani;