Valamuli 18:28 - Bhiblia Yo Sawuleka

²⁸ Kha ka nga maneka ni wammweyo wo dingana ku va lamulela, nguko va ti ti kule ni Sidhoni, kambe va ti si nga ni mhaka ni vamwani vathu, se didhoropa di ti ti mkovani, hafuhi ni Bheti-Reyobhi; msana keto, va to aketa didhoropa, va txi zumba ka dona.

Valamuli 18:28 Referans Kwoze

2 Samuwele 10:6

Mbimo yile koko, vanana va ka Amoni va nga wona taku va vangile livengo la hombe hagari kwawe ni Dhavhidha; vanana va ka Amoni va to rumela kuya ramba 20.000 wa vavamna vo tsimbila ngu mikondo va Vasiriya ka Bheti-Reyobhe ni Vasiriya ka Zobha, ni 1.000 wa vavamna va mfumeli Mahaka, ni 12.000 wa vavamna va Tobhe.

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

Mitengo 13:21

Ngu tona eto, va to kwela kasi kuya xola ditiko, ve khatela txiwulani ka Zimi, veza ve hoka Rohobhi, ngu nzila yi yiyako Hamati.

Isaya 23:12

Se a txi khene: Khu na mbiswa u ndaka-ndaka kambe ngu kutsaka, awe muhorana wo tsindavetwa, mwana Sidhoni; khukha, tsula Kitimi, kambe hambi kona hale, khu na mbi mana kuhumula.

Isaya 23:4

Pfana tingana awe Sidhoni, nguko linene, mkhokhola wa linene, wa womba-womba wu txi kha wona: Ani kha na pfa kupanda ka kuveleka, kambe kha na veleka, kambe kha na nga wunja vanana, ni kulaya mahorana.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Masalmo 7:2

Va nga thuka va txi ni vharulela nga ngonyamo, va txi ni bhenulela, ku txi pwateka ni wammweyo wa ku ni vhuna.

2 Samuwele 14:6

Txithumi txako koko txa txisikati txi ti ti ni vanana vambidi, va to lwa thembweni, kambe kha kuya maneka wo va lamula; ngu kumaha keto, mmweyo wawe a to daya mmwani efa.

Valamuli 18:1

Ka ona ale masiku, ku ti si nga ni mfumeli Israyeli, se ka masiku oneyo lihunzu la ka Dhani, li ti ti lava ditiko do aka ka dona; nguko kala ka dona ditshiku dile, va ti sanzi kuabaniselwa ditiko, hagari ka tihunzu ta ka Israyeli.

Joxuwa 11:8

Se Mkoma a to va ningela manzani ka va ka Israyeli; vona va to va khozisa, va txi va tutumisa, kala ka Didhoropa da Hombe da Sidhoni, ni Mezerefoti-Mayimi, ni mkovani ka Misipa, ngu didhawa da wutxani. Va to va dayetela, va si siyi ni wammweyo.

Valamuli 18:29

Se Didhoropa diya va to di dhana ngu ditina daku i Dhani, madingano ni ditina da Dhani, tate wawe, a nga velekwa ngu Israyeli, na ngu kukhatani ka kona koko, ditina da didhoropa diya i ti ti Layisi.

Joxuwa 19:28

ni Hebroni, ni Rahobhi, ni Hamoni, ni Kana kala Sidhoni-wa-Hombe. Ngu msana muhingano wu tshumela wu ya Rama kala ka didhoropa da mkhokhola wa Tiro.

2 Samuwele 24:6

Se va toya Gileyadhi ni ka ditiko da Mkovani ka Kadhesi, veya hoka ni Dhani-Jahani ni madhawani ka Sidhoni.