Valamuli 18:27 - Bhiblia Yo Sawuleka

²⁷ Vona koko va to teka sile Mika a nga ti ti khandete, ni mphaxeli wule a nga ti ti nayo, va txi ta Layisi, ka vathu vo ti malalela ni kuthembeka, va txi va dayela ngu matxhari, se va txi hisa didhoropa ngu mndilo.

Valamuli 18:27 Referans Kwoze

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

Joxuwa 19:47

Ditiko da vanana va ka Dhani di ti si va eneli votshe, ngu mhaka yeto, vanana va ka Dhani va to huma va txi yalwa ni didhoropa da Lexemi, va txi di khozisa ni kudayela vathu va kona ngu matxhari, ve teka didhoropa di txi maha dawe, va txi aka kona, ni ku di ninga ditina daku i Dhani, ditina da tate wawe.

Valamuli 18:10

Mbimo yile mi no ya hoka, mi na ya mana vathu vo thembeka, kambe ditiko ndo anama ngutu; nguko Txizimu txi di ningete manzani kwanu; mbukhalo wu ku si pwatekiko ni txa tximwetxo, ka sile si kuho ha mafuni.”

Joxuwa 11:11

Se va to dayela ngu ditxhari, sotshe sivangwa so hanya, kha va nga siya ni txa tximwetxo txo hanya; kambe va to hisa ni didhoropa da Hazori.

Dhewuteronome 33:22

Se madingano ni Dhani, a ti khene: Dhani njingonyamwana, atxi txi ndakako ngu niya Bhasani.

Genesisi 49:16

Dhani a na lamula timhaka ta vathu vakwe, nguko mmweyo wa tihunzu ta ka Israyeli.

Valamuli 18:26

Ngu kumaha keto, vanana va ka Dhani, va to teka nzila yawe, se Mika, ngako a txi wona ti to va na ni mtamo ngutu kupinda ene, a to tshumela, a txi tsula m'tini kwakwe.

Valamuli 8:11

Se Gidhiyoni a to kwela ngu nzila ya vale va zumbako matendani, ngu didhawa da wutxani ka Nobha ni Jagobheya, a txi ya dayela vathu vale va nga ti pimisile ti to kuthuthile.