Valamuli 18:2 - Bhiblia Yo Sawuleka

² Se vanana va ka Dhani, va to rumela ngu ka lihunzu lawe, mtxhanu wa vavamna va tindena, va mihinganoni kwawe, va kuta ngu Zora ni Exitawoli, kasi kuya xola ni kuya ziva ditiko; se va to va gela ku kha vona: “Tsulani mi ya zivisisa ditiko.” Va to tsula mmangoni ka Efrayime, kala m'tini ka Mika, eho va nga ya otela kona.

Valamuli 18:2 Referans Kwoze

Valamuli 13:25

Se Moya wa Mkoma wu to khata ku muhumela a di digoveloni ka Dhani, hagari ka Zora ni Exitawoli.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Valamuli 18:11

Sekoko ku to khukha vavamna va lihunzu la ka Dhani, ngu Zora ni Exitawoli, va di xomile matxhari.

Valamuli 18:8

Sekoko va to tshumelela ka vanawe, kona Zora ni Exitawoli; se vanawe va to va wotisa va txi kha vona: “Miwomba txani anu kani?”

Mitengo 13:17

Mosi a to va ruma kuya xola ditiko da Kanana; a txi khene: “Tsimbilani ngu didhawa da mswa-ditambo, mi komba mmangoni ka wulambwe

Luka 14:31

“Niku mwendo ngu wuhi mfumeli, awu a xomako ku yalwa ni mmwani mfumeli, asi thangiko ngu kukhalahatsha e wonisisa tito, a di ni 10.000 wa masotxhwa, a nga sikota ku yalwa ni wule a tako a di ni 20.000 kani?

Mavingu 20:18

Otshe makungo ma tsaniswa ngu wusungukati; kambe yimbi yi tsimbitiswa ngu wusungukati wa wutxhari.

Valamuli 19:18

Se ene a to mxamula a txi khene: Hita ngu Bhetlehema ka Judha, hi ya madhawani ka mmango wa ka Efrayime, eyo ni nga velekelwa kona; nguko ni ti ko ya Bhetlehema ka Judha; kambe konkuwa ni ya Nyumbani ka Mkoma, nguko kha ku nga ni wammweyo wa ku ni amukela m'tini kwakwe,

Valamuli 19:1

Ku to maheka kambe ka ona masiku ale, ku nga ti si nga ni mfumeli ka Israyeli, taku ku txi maneka wamwamna wa Mlevhi, a nga ti ti luvela madhawani ka mmango wa ka Efrayime, a to ti tekela wamsikati wa txikaba, wa Bhetlehema ka Judha.

Valamuli 16:31

Sekoko, vanawe ni votshe va nyumba ya tate yakwe, va to relela veya mteka, se va txi tsula nayo, veya mtshotsha, hagari ka Zora ni Estawoli, diyivani ka tate wakwe Manowa. Se Samusoni a to lamula va ka Israyeli, amu ka magumi mambidi a malembe.

Valamuli 13:2

Se Kambe ku ti ti ni wamwamna wokari ditikoni ka Zora, wa nyumba ya ka Dhani, ditina dakwe i ti ti Manowa; se msikati wakwe i ti ti txifule.

Joxuwa 19:41

Muhingano wa thomba yawe ngu wuwa: Zore, Estawoli ni Iri-Xamexe;

Genesisi 42:9

Sekoko Josefa a to alakanya miloro yi a nga lora ngu didhawa dawe, se e va gela ku khene: “Anu mi sinyengwani! Mi tela ku ta xola mi wona wufenze wa ditiko.”

Joxuwa 15:33

Madhoropa ale ma ku libalani ngu awa: Estawodhi, Zora, ni Azena,

Valamuli 17:1

Se a ti tiho wamwamna wokari mmangoni ka Efrayime, awu ditina dakwe i nga ti Mika,

Valamuli 18:3

Se mbimo yile va di hafuhi ni nyumba ya Mika, va to pfa dipswi da dijaha dile da Mulevhi; ve tshuketela hafuhi, va txi ya kha vona: “I mani a nga kutisa hawa kani? Njitxani u mahako kona hawa, niku nji txani u ku natxo kona hawa kani?”

Joxuwa 2:2

Sekoko ku to rumelwa dipswi ka mfumeli wa Jeriko, daku kha vona: “Wona taku wusiku wuwa, ahawa ku bwakile vavamna vokari va ka Israyeli, ku ta xola ditiko.”

Valamuli 18:13

Se kukhukhela konaho, va to tshawunyeta mmango wa Efrayime, kala va txi ya hoka nyumbani ka Mika.