Valamuli 18:17 - Bhiblia Yo Sawuleka

¹⁷ Sekoko na va di kwelete vavamna vale va mtxhanu, avale va nga ti tsute kuya xola ditiko, va to wulela nyumbani, veya teka txithombe txo vatwa, ni efodhe, ni titerafime, ni txithombe txo wumbwa, na mphaxeli a di emile ha txidingeni, kumweko ni 600 wa vavamna vale va nga ti xomile matxhari.

Valamuli 18:17 Referans Kwoze

Valamuli 18:14

Sekoko vavamna vale va mtxhanu va nga ya xola ditiko da Layisi, va to xamula ka vanawe va txi kha vona: “Ina ma tiziva taku, tinyumba mule ku ni efodhe yimweyo, ni titerafime, ni txithombe tximwetxo txo vatwa, ni tximwani txo wumbwa kani? Wonani koko konkuwa, ati mi no ti maha.”

Valamuli 18:2

Se vanana va ka Dhani, va to rumela ngu ka lihunzu lawe, mtxhanu wa vavamna va tindena, va mihinganoni kwawe, va kuta ngu Zora ni Exitawoli, kasi kuya xola ni kuya ziva ditiko; se va to va gela ku kha vona: “Tsulani mi ya zivisisa ditiko.” Va to tsula mmangoni ka Efrayime, kala m'tini ka Mika, eho va nga ya otela kona.

Mika 5:13

ni na thavisela hagari kwako sithombe sako so vatwa ni so wubwa; se awe khu na mbi ngadi u khizama kambe masoni ka mithumo ya manza ako.

Isaya 46:7

Va txi pakata, ve tsula veya txi veka ka wukhalo wa txona; txi zumba kona hale, kha txi khukhi; se ngako va txi dila ka txona, kha txi na xamulo ni ya yimweyo, hambi kutxhatxhisa ni wammweyo kuxanisekani kwakwe.

1 Samuwele 4:11

Se dibhokiso da Txizimu di to tekwa; kudawa vanana vambidi va Eli, i ku Hofini ni Fineyasi.

Valamuli 6:31

Jowasi a to xamula votshe vale va nga ti ti mu wukela a txi khene: “Nganu mi lwelako Bhahali kani? Nganu mi m'vhikelako kani? Awule a no lwela Bhahali a na dawa konakuwa, nyamsi. Ngako Bhahali i di Txizimu a na ti vhikele ene apune a txi lwa ni wule a nga khundumusela txiluvelo txakwe.”

Eksodha 32:20

Ngu msana a to teka dirole dile va nga ti di mahile, e di hisa a txi di kuya di txi maha lifenyenye a txi li wavalasa matini. Se e ninga vanana va ka Israyeli mati a kona va txi sela.

Genesisi 31:19

Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

Valamuli 18:16

Se vavamna vale va 600, i nga ti ti vanana va ka Dhani, na va ti xomile matxhari, va to zumba txidingeni.

Valamuli 18:18

Ngako vona va di wulete koko nyumbani ka Mika, va di tekile txithombe txo vatwa, ni efodhe, ni titerafime, ni txithombe txo wumbwa, mphaxeli a to khene kwawe: “Njitxani mi mahako kani?”

1 Samuwele 19:13

Se Mikali a to teka txithombe, e txi otelisa ka mbhedhu, a to sanzeka didhowo da phongo ha msungo ka txona, se e txi fenengeta ngu didhamba.

Isaya 41:29

Wona taku votshe kha va vhuni txilo, mithumo yawe hi nga txilo, sithombe sawe so wumbwa i moya, hi txilo.

Ezekhiyele 21:21

Nguko mfumeli wa Bhabhilona a na ema mahandakanyani, ngu txitimwi ka tinzila timbidi kasi ku e hutetela; a na lota tingove takwe, a na xaxuva titerafime, a txi dhunga ni sa mndani.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.