Valamuli 18:15 - Bhiblia Yo Sawuleka

¹⁵ Sekoko va to tsula veya hoka nyumbani ka dijaha dile da Mulevhi, i ku nyumbani ka Mika, se va to mlosa.

Valamuli 18:15 Referans Kwoze

Genesisi 43:27

Aniko ene a to va khambisa thenga ngu lirando, a txi va wotisa ku khene: “Wa hanya tate wanu, txona txikhovana txi mi nga womba-womba ni nani ngu txona kani? Ene i ngadi mtomi kani?”

Johani 14:27

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

2 Vafumeli 4:26

Konkuwa tutuma u txi m'hingeta, u txi khawe: Ina i thenga kani? Mwamna wako a thenga kani? A thenga mwanana wako kani? Ene a to khene i thenga.

1 Samuwele 17:22

Se Dhavhidha a to leka mrwalo wakwe manzani ka muwoneleli wa thundu, e tutumela kuya yimbini; se a di hokile a to wotisa vakomwakwe taku mwendo va wuka kha kwati.

Genesisi 37:14

Ene a m'gete, a txi khene: “Tsula u txi ya wona ti to vakomwako va hanyisa kutxani ni mitxhambi, se u na ni wuyisela mahungu awe.” Josefa a di rumilwe, a to khukha mkovani ka Hebroni a txi ya hoka Sikemi.

Valamuli 18:14

Sekoko vavamna vale va mtxhanu va nga ya xola ditiko da Layisi, va to xamula ka vanawe va txi kha vona: “Ina ma tiziva taku, tinyumba mule ku ni efodhe yimweyo, ni titerafime, ni txithombe tximwetxo txo vatwa, ni tximwani txo wumbwa kani? Wonani koko konkuwa, ati mi no ti maha.”

Valamuli 18:16

Se vavamna vale va 600, i nga ti ti vanana va ka Dhani, na va ti xomile matxhari, va to zumba txidingeni.

1 Samuwele 17:18

Aniko teka digumi da magadi a masi u ya ninga mthangeli wa mabutho, kambe u naya txisela vakomwako, u xola taku mwendo va hanya kha kwati; se u na ya wuya ni txi tsaniso txa kona.