Valamuli 17:6 - Bhiblia Yo Sawuleka

⁶ Ka masiku ale, ku ti si nga ni mfumeli kona Israyeli, mmwani ni mmwani a txo ti mahela ati a nga txi ti wona i di ta tinene kwakwe.

Valamuli 17:6 Referans Kwoze

Mavingu 14:12

Ku ni nzila yile m'thu a yi wonisako ku nga yi lulamile, aniko magwito ka yona ndinzila to yisa kufani.

Dhewuteronome 12:8

Mi nge ya maha nga ti konkuwa hi ti mahako kona hawa nyamsi, mmwani ni mmwani a mahako tinene, nga ti a ti wonisako tona,

Mavingu 12:15

Txiphukuphuku txi ti wona txi di ka nzila ya yinene, aniko awule a engisako sileleto a txharihile.

Valamuli 21:25

Ka ona masiku ale, ku si nga ni mfumeli ka Israyeli, ngu kumaha keto, mmwani ni mmwani a ti ti mahela ati a nga txi ti wona i di to lulama kwakwe.

Valamuli 19:1

Ku to maheka kambe ka ona masiku ale, ku nga ti si nga ni mfumeli ka Israyeli, taku ku txi maneka wamwamna wa Mlevhi, a nga ti ti luvela madhawani ka mmango wa ka Efrayime, a to ti tekela wamsikati wa txikaba, wa Bhetlehema ka Judha.

Valamuli 18:1

Ka ona ale masiku, ku ti si nga ni mfumeli Israyeli, se ka masiku oneyo lihunzu la ka Dhani, li ti ti lava ditiko do aka ka dona; nguko kala ka dona ditshiku dile, va ti sanzi kuabaniselwa ditiko, hagari ka tihunzu ta ka Israyeli.

Mavingu 16:2

Tinzila ta m'thu ti basile masoni kwakwe ene nyamne, aniko Mkoma a kala mimoya.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

Valamuli 21:3

Se va txi kha vona: “Awe Mkoma, Txizimu txa Israyeli, dita ngu hani dikhombo diya nyamsi da kupwateka limwelo ka tihunzu ta ka Israyeli kani?”

Dhewuteronome 33:5

Se Mkoma a to maha mfumeli kona Jesurumi, mbimo yi ku nga sengeletana vathangeli va vathu, ni tihunzu ta ka Israyeli.

Genesisi 36:31

Ngu vava vafumeli va va nga fuma ditikoni ka Edhomi, na kusanzi kufumwa ngu mfumeli wa ka Israyeli.