Valamuli 17:5 - Bhiblia Yo Sawuleka

⁵ Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.

Valamuli 17:5 Referans Kwoze

Valamuli 18:14

Sekoko vavamna vale va mtxhanu va nga ya xola ditiko da Layisi, va to xamula ka vanawe va txi kha vona: “Ina ma tiziva taku, tinyumba mule ku ni efodhe yimweyo, ni titerafime, ni txithombe tximwetxo txo vatwa, ni tximwani txo wumbwa kani? Wonani koko konkuwa, ati mi no ti maha.”

Valamuli 8:27

Se Gidhiyoni a to teka nzalama yile a txi maha txithombe txa efodhe ngu yona e txi veka didhoropani ka Ofira. Votshe va ka Israyeli va to leka Txizimu ve khozela txithombe txileya, se eto kambe ti to maha txikhuvekiso ka Gidhiyoni, ni ka yotshe nyumba yakwe.

Genesisi 31:19

Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Valamuli 18:24

Sekoko ene a to kha ene: “Mi ni tekete sizimu sangu, asi ni nga ti khandela mi tsula naso, kumweko ni mphaxeli; nji txani txi nga ni salela kambe konkuwa kani? Mi ni wotisisa kutxani taku: Njitani u ku natxo kani?”

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Eksodha 28:15

U na maha txyambalo txa hakhana, txo thethisa ngu txona timhaka txi txi mahwa ngu wutxhari; u na txi maha u txi txi rungela ku nga efodhe, ngu nzalama, ngu mkuxe, ngu nguwo yo bhilivila, ya mkungu ni nguwo ya linyu yo rungelwa ngu kutshuriselwa.

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Ezra 1:7

Kambe mfumeli wa Siro a to humisa siya Nyumbani ka Mkoma, asile si nga ti ti tisilwe Jerusalema ngu Nabhukodhonozori, e ta si veka nyumbani ka sizimu sakwe.

1 Vafumeli 12:31

Se a to aka tinyumba to guleka, e teka vathu va hahatshi e va maha vaphaxeli, ava i nga si nga vanana va ka Levhi.

1 Samuwele 23:6

Se ku to maheka tito, mbimo yile Abhiyatari, mwana Ayimeleki, a nga tutuma eya ka Dhavhidha, kona Keyila, a to relela ni efodhe manzani.

Eksodha 28:4

Ngu siya syambalo va no si maha: Txyambalo txa hakhana, efodhe, dibhaji do lapha, dihembe do tshuriselwa ngu kurungelwa, txigoko ni libhande. Va na maha syambalo so katekiswa si txi va sa mwananu Aroni ni sa vanana vakwe, ati to ve thuma mthumo wa wuphaxeli masoni kwangu.

Eksodha 24:5

Ngu msana a to ruma mazambi okari a vanana va ka Israyeli, kasiku va txi maha miningelo yo hiswa, va txi maha miphaxo ka Mkoma ngu kudaya marole va txi dhumisa Mkoma.

Mitengo 3:10

Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

Valamuli 17:4

Ngu kumaha keto, ene a to ningela male yile ka mame wakwe, se mame wakwe, a to teka male ya 200 ya silivhela, e yi ningela ka mkhandi, awu a nga maha ngu yona txithombe txo vatwa, ni txa kuwumbwa, kambe txi ti ti maneka nyumbani ka Mika.

Valamuli 18:30

Se vanana va ka Dhani va to ti emisela txithombe txile txo vatwa, se Jonatani, mwana Gerisoni, mwana Manasi, ene ni vanana vakwe, va to maha vaphaxeli va lihunzu la ka Dhani, kala ka ditshiku da kukhoziswa ka ditiko.

Isaya 44:13

M'vati a nawuluta dipulango, se e bhala mindenda yo bhilivila, e vata ngu txivatelo, e pima ngu lipimo, kambe a maha txizimu txakwe txi fanana ni m'thu, madingano ni zumbelo ya m'thu, kasi ku txi veka nyumbani.

Ezekhiyele 21:21

Nguko mfumeli wa Bhabhilona a na ema mahandakanyani, ngu txitimwi ka tinzila timbidi kasi ku e hutetela; a na lota tingove takwe, a na xaxuva titerafime, a txi dhunga ni sa mndani.

1 Samuwele 19:13

Se Mikali a to teka txithombe, e txi otelisa ka mbhedhu, a to sanzeka didhowo da phongo ha msungo ka txona, se e txi fenengeta ngu didhamba.

1 Vafumeli 12:32

Jerobhowamu a to maha m'buso ngu mtxima wa wutxhanu ni yiraru, ka ditshiku da digumi ni mtxhanu ka mtxima.

Ezekhiyele 21:26

Mkoma Txizimu a khene: Thavisa txigoko, u gula m'bhoti; kha wu na mbi va wona kambe m'bhoti wuwa; guleta si si ku hahatshi, u wisa sile sa kutikulisa.