Valamuli 17:4 - Bhiblia Yo Sawuleka

⁴ Ngu kumaha keto, ene a to ningela male yile ka mame wakwe, se mame wakwe, a to teka male ya 200 ya silivhela, e yi ningela ka mkhandi, awu a nga maha ngu yona txithombe txo vatwa, ni txa kuwumbwa, kambe txi ti ti maneka nyumbani ka Mika.

Valamuli 17:4 Referans Kwoze

Valamuli 17:3

Ngu kumaha keto, a to tshumeta male ya 1.100 ya silivhela ka mame wakwe; aniko mame wakwe a to khene: “Na ningela male yiya ngu dianza dangu ka Mkoma, kasi ku mwanana wangu a na mvatela txithombe ni ku txi wumba; se konkuwa, na yi tshumetela kwako.”

Valamuli 17:5

Se wamwamna wuwa Mika, a ti ti ni nyumba ya sizimu, se a to maha efodhe ni titerafime, a to sawula mmweyo ka vanana vakwe, kasi ku a na va mphaxeli wakwe.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Isaya 44:13

M'vati a nawuluta dipulango, se e bhala mindenda yo bhilivila, e vata ngu txivatelo, e pima ngu lipimo, kambe a maha txizimu txakwe txi fanana ni m'thu, madingano ni zumbelo ya m'thu, kasi ku txi veka nyumbani.

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Valamuli 18:17

Sekoko na va di kwelete vavamna vale va mtxhanu, avale va nga ti tsute kuya xola ditiko, va to wulela nyumbani, veya teka txithombe txo vatwa, ni efodhe, ni titerafime, ni txithombe txo wumbwa, na mphaxeli a di emile ha txidingeni, kumweko ni 600 wa vavamna vale va nga ti xomile matxhari.

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?