Valamuli 17:2 - Bhiblia Yo Sawuleka

² Awu a nga khene ka mame wakwe: 1.100 wa male ya silivhela, yile u nga honyolwa, eyo u ngaza u womba-womba kubiha ngu mhaka ya yona, ni txi tipfa tinzeveni kwangu, wona taku maleyo yi ni nani, ngani ni nga teka yona. Sekoko mame wakwe a to khene: “Mkoma a na ku katekise mwanangu!”

Valamuli 17:2 Referans Kwoze

Nehemiya 13:25

Se ni to ya lwisana navo, ni va ruketela, vamwani kwawe ni va peka, ni va dulela misisi, se ni va xambanyisa ka Txizimu ni txi khani: Mi nga lowoliseni kambe vanana vanu vamahorana ka vanana vawe va majaha, mi nga tekeni kambe vanana vawe vamahorana m i ninga vanana vanu va majaha, hambi ku ti tekela anu mi pune.

Rute 3:10

Se ene a to khene: “Mkoma a na ku katekise, mwanangu; u mahile kha kwati wunene wuwa wako wo gwitisa, kupinda wo khata, nguko khwa lava kulondeta dizambi ni da dimwedo, da nyatithombe mwendo da txisiwana.

2 Johani 1:11

Awu a mlosako a sengela nayo ka mithumo yakwe yo biha.

1 Vakorinto 16:22

Awu asi randiko Mkoma a nave kurukwani. Maranatha! Ngono, Mkoma!

Varoma 9:3

Nguko ani wutumbu ni ndi na tumela kuruketelwa ni kuhambaniswa ni Kristu, idiku eto ti ti vhuna va lixaka la ka kwathu, ava i ku vamwevo ni nani ngu kuvelekwa;

Matewu 26:74

Sekoko a to khata kuruketela, e xambanya a txi khene: “Kha ni mu zivi eyo m'thu!” Se ka yoneyo mbimo mkuku wu nje kuemba.

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Mavingu 28:24

Awule a pako sa tate mwendo sa mame wakwe, se a txi khene: Hi nga ta walo, mngana wa wule a hasamulako.

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

1 Samuwele 23:21

Sekoko Sawule a to khene: Katekiswani anu ngu Mkoma, nguko anu mi ni pfete.

1 Samuwele 15:13

A to ta koko, Samuwele ka Sawule; se Sawule a txi khene kwakwe: Mana kukatekiswa awe ngu Mkoma, ni mahile dipswi da Mkoma.

1 Samuwele 14:28

Sekoko mmweyo ka vathu a to xamula a txi khene: Tate wako a xambanyile ka vathu, a txi khene: Dikhombo ka m'thu wule a no dya dipawu nyamsi. Nguko vathu va ti ti gumile mtamo.

1 Samuwele 14:24

Se ka ditshiku dile vathu va ka Israyeli va ti rerekile ngutu, nguko Sawule a ti xambanyile ka vathu, a txi khene: Dikhombo ka m'thu wule a no dya dipawu kala ni minova, kasiku ni ti photela ka valala vangu. Se vathu votshe va to leka kudya dipawu.

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Genesisi 14:19

Ene a to katekisa Abramu, a txi khene: “A na katekiswe Abramu ngu Txizimu Nyatxitimwi, M'vangi wa nzuma ni mafu!

Valamuli 17:1

Se a ti tiho wamwamna wokari mmangoni ka Efrayime, awu ditina dakwe i nga ti Mika,

Valamuli 17:3

Ngu kumaha keto, a to tshumeta male ya 1.100 ya silivhela ka mame wakwe; aniko mame wakwe a to khene: “Na ningela male yiya ngu dianza dangu ka Mkoma, kasi ku mwanana wangu a na mvatela txithombe ni ku txi wumba; se konkuwa, na yi tshumetela kwako.”