Valamuli 17:10 - Bhiblia Yo Sawuleka

¹⁰ Sekoko Mika a to m'gela ku khene: “Zumba ni nani, u maha tate wangu ni mphaxeli wangu; se dilembe ni dilembe ni na kuninga male ya digumi da tisilivhela, ni so ambala, ni sakudya.” Se Mlevhi a to wulela.

Valamuli 17:10 Referans Kwoze

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

Johani 12:6

Ene a wombisile eto, i si nga ngu kuthela kota ngu sikulungu, aniko nguko i nga ti dikhamba da kupa asi si nga txi vekwa msavani, nguko i ti ene, i nga ti mñoli wa wona.

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Ezekhiyele 13:19

Anu mi ni poyite hagari ka vathu vangu, ngu sevhadha ya yidotho, ni sikhwemu sa mapawu, kasi kudaya mihefemulo yi yi nga si dingani kufa, ni kuxayisa mihefemulo yile yi nga si dingani kuhanya, mi womba makuhu ka vathu vangu, va engiselako makuhu.

Isaya 22:21

Se ni na muambeka dibhaji dako, ni mtsanisa ngu libhande lako, ni ningela manzani kwakwe mfumo wako, se ene a na va tate ka vaaki va Jerusalema, ni ka nyumba ya ka Judha.

Jobe 29:16

ni ti ti tate wa sisiwana, ni londisela timhaka ta vale ni nga si va zivi;

2 Vafumeli 13:14

Se Elixa a lwate ngu wu lwati wule a nga za a txi fa ngu wona; se Jehowasi mfumeli wa Israyeli a to tsula eya mxola, a to dila khoheni kwakwe, a txi khene: Tata wangu, tata wangu, sikotxikani sa Israyeli ni vagadhi va mahantxhi a kona.

2 Vafumeli 6:21

Se mbimo yile a nga va wona mfumeli wa ka Israyeli, a to khene ka Elizewu: Ni va dayela, ni va dayela, kani tata?

1 Samuwele 2:36

Se ku na maheka tito, votshe vale va no sala ka miboti ya nyumba yako, va nata khizama masoni kwakwe, ve kombela male ya silivhela mwendo txikhwemu txa dipawu, va txi kha vona: Na kukombela ni tumelele ni maha mthumo wokari wa wuphaxeli, kasiku ni txi na mana kudya txikhwemu txa dipawu.

Valamuli 17:11

Se Mulevhi a to tsaka ngu kuzumba nayo wamwamna wule, se dijaha diya ti mahile ku nga ova mmweyo wa vanana vakwe.

Genesisi 45:8

Ngu mhaka yeto, hi nganu mi nga ni rumela kheno, aniko Njizimu txi nga ni veka ni txi nga no va tate wa Faro, ni mthangeli wa nyumba yakwe yotshe, ni mfumeli wa ditiko dotshe da Egipta.

Valamuli 17:9

se Mika a to mu wotisa a txi khene: “U ta ngu hani kani?” Se ene a to xamula a txi khene: “Ni Mlevhi wa Bhetlehema ka Judha, se ni na luvela ni hani ni no mana kuamukeleka.”

Valamuli 18:4

Se ene a to va xamula ku khene: “I Mika a nga ni mahela tiya ni tiya; ene koko wa holela, se ani na mthumela ka wuphaxeli.”

2 Vafumeli 2:12

Mbimo yile Elixa a nga muwona, a to kwangula a txi khene: Nzikotxikani sa mndilo ni vagadhi va mahantxhi! Se khaswa a di mwoni kambe. A to juwela ka syambalo sa kona, a txi si bhanda ngu madhawa mambidi.