Valamuli 16:5 - Bhiblia Yo Sawuleka

⁵ Sekoko vathangeli va Vafilista va to tsula va txi ya gela Dhalila, va ku kha vona: Mphungaletele kasiku u na ziva amu wutako ngu kona mtamo wakwe wa hombe, ni ti to hi nga sikotisa kutxani ku mxula ni ku msunga, kasi hi txi mxanisa; se mmwani ni mmwani kwathu, a na kuninga male ya 1.100 wa maxekele a silivhela.

Valamuli 16:5 Referans Kwoze

Valamuli 14:15

Se ku to maheka taku, ka ditshiku da wutxhanu ni mambidi, va to kha vona ka msikati wa Samusoni: “Phungeletela mwamna wako e txhamusela thethekatheka ya kona, kasiku hi si ku hisi awe, ni nyumba ya tate wako; kasi anu mi hi dhanete ku ta hi honyolela si i ku sathu, hi nga tona eto kani?”

Joxuwa 13:3

kukhukhela Xihori ku ku masoni ka Egipta, kala mihinganoni ka Ekroni ka wuphemba, ditiko di va ku kha vona nda Vakanana, mtxhanu wa vathangeli va Vafilista, i ku vava: Mthangeli wa Gaza, wa Asihodhe, wa Asikaloni, wa Gati ni wa Ekroni; ni Vahevhi;

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

1 Samuwele 29:6

Sekoko Akisi a to dhana Dhavhidha a txi khene kwakwe: Ni xambanya ngu Mkoma a hanyako, ti to awe u lulamile, ni ti to kuwulela kwako ni kuhuma kwako ni nani wugoveloni ndinene masoni kwangu; nguko kha na wona wubihi ni wawumwewo kwako, kukhukhela ka ditshiku dile u nga ta kwangu kala ka ditshiku da nyamsi; kambe masoni ka vathangeli khu tsakisi.

Valamuli 17:2

Awu a nga khene ka mame wakwe: 1.100 wa male ya silivhela, yile u nga honyolwa, eyo u ngaza u womba-womba kubiha ngu mhaka ya yona, ni txi tipfa tinzeveni kwangu, wona taku maleyo yi ni nani, ngani ni nga teka yona. Sekoko mame wakwe a to khene: “Mkoma a na ku katekise mwanangu!”

Valamuli 3:3

Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Genesisi 33:16

Ka donedo ditshiku Esawu a to teka nzila yo tshumela a txi ya Seyiri.

Valamuli 16:4

Se msana ka tiya, a to randana ni mmweyo wa wamsikati, wa mkovani ka Soreke, ditina dakwe i ti ti Dhalila.

Valamuli 16:6

Dhalila koko a to womba ka Samusoni, a txi khene: “Na ku kombela, ni gela tito, wuta ngu hani mtamo wako wa hombe, ni ti taku u nga sungwa ngu txani kasi kusikota ku kuxanisa.”