Valamuli 16:27 - Bhiblia Yo Sawuleka

²⁷ Eko nyumba yile ti ti tate ngu vavamna ni vavasikati; konamo kambe va ti ti ho votshe vathangeli va Vafilista, se txitimwi ka lyangwa la nyumbeyo, ku ti ti mtengo wa hafuhi ka 3.000 wa vavamna ni vavasikati, va nga ti ti wonetela Samusoni a txi sakana.

Valamuli 16:27 Referans Kwoze

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Joxuwa 2:8

Se na va si se otela, Rahabhi a to kwela a txi va yela hathala.

Valamuli 9:51

Hagari ka didhoropa ku ti ti ni mkhokhola wo tsana, se votshe vavamna ni vavasikati, ni votshe vazumbi va didhoropa va to thavela kona. Va to ta seka ditimba ngu msana kwawe, ve kwela txitimwi ka txitezi txa mkhokhola.

Valamuli 16:26

Sekoko Samusoni a to gela dizambi dile di nga ti ti msetela ngu dianza, a txi khene: “Ni tshuketise ni txi ya ñola tiphande ti ti tsanisako nyumba, kasiku ni txi tshikila ka tona.”

Valamuli 16:28

Sekoko Samusoni a to dila ka Mkoma, a txi khene: “Mkoma Txizimu, na ku kombela ti to u ni alakanya, u txi ni ninga mtamo konkuwa, ka yona mbimo yiya awe Txizimu, kasi ku ngu mbimo yimweyo, ni ti photela ka Vafilista, ngu mhaka ya maso angu a mambidi.”