Valamuli 16:25 - Bhiblia Yo Sawuleka

²⁵ Se ku to maheka taku, na timbilu tawe ti di tsakile, va to kha vona: “Dhanani Samusoni, kasi ku a txi sakana masoni kwathu.” Se va to ya dhana Samusoni mkorani, a txi ta sakana masoni kwawe; ve muemisa hagari ka tiphande.

Valamuli 16:25 Referans Kwoze

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Valamuli 19:6

Se va to khalahatsha, vedya ni kusela ngu wumbidi wawe. Se tate wa dihorana a to khene ka wamwamna wule: “Na ku kombela, tumela, ti to u zumba kambe wusiku wuwa, kasiku mbilu yako yi txi tsaka.”

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

Matewu 27:29

Se va di lukile tshimbo ya mipa, va to msanzeka ha msungo kwakwe, ngu msana ve mñolisa litshava ngu dianza da txinene. Se va txi khizama masoni kwakwe na va txi mtseketsela va txi kha vona: “Xeweni, mfumeli wa Vajudha!”

Isaya 22:13

Aniko wonani m'buso litsako; ka dawa tihomu ta mikati, ni tinvuta; kudyiwa nyama ni kuselwa vhinya, aniko kuwombwa tiya: He dyeni, hi sela, nguko mangwana hi na fa.

Masalmo 69:26

nguko vona va xanisa avale u nga va peka, va xowokisela avale u nga va tsayisa.

Masalmo 69:12

Va womba-womba ngu ngani mu tinzilani ka didhoropa ni madevi ma embelela tindando ngu ngani.

Esteri 3:15

Ngu kuleleta ka mfumeli, sirumwa koko si to huma ngu kututuma, se mlayo wu huwelelwa mkhokholani ka Susani; se mfumeli kumweko ni Hamani va to khalahatsha ve sela; kambe didhoropa da Susani di to tala ngu pfilu-pfilu.

1 Vafumeli 20:12

Se ku to maheka ati taku mbimo yi a nga pfa xamulo yile, a di mu ka kusela ene ni vamwani vafumeli amu matendani, a to khene ka sithumi sakwe: Ti lulamiselemi mi lwisa didhoropa.

Valamuli 19:9

Sekoko wamwamna wule a to khukha kasi ku a txi tsula, ene, ni txikaba txakwe, ni dijaha dakwe; se tate wa msikati wakwe, a to m'gela ku khene: “Wona taku ditambo diya kuswani, se wusiku wa hoka, na ku kombela taku u txi otela kambe kona hawa wusiku wuwa; nguko se ditshiku da guma, otela kona hawa wusiku wuwa, niku mbilu yako yi na tsake; se mangwana ni mabimbi-kutxa, mi na wuka mi txi tsula ditendani kwanu.”

Valamuli 18:20

Sekoko mbilu ya mphaxeli yi to tsaka, se a to teka efodhe, ni titerafime, ni txithombe txo vatwa, e wulela hagari ka vathu.

Valamuli 16:24

Kufana ni toneto, mbimo yile vathu va nga mu wona, va to khata kudhumisa txizimu txawe, va txi kha vona: “Txizimu txathu txi ningete Samusoni mlala wathu manzani kwathu, awu a nga txi xanisa ditiko dathu, a txi dayela vavangi va ka kwathu.”

Valamuli 16:26

Sekoko Samusoni a to gela dizambi dile di nga ti ti msetela ngu dianza, a txi khene: “Ni tshuketise ni txi ya ñola tiphande ti ti tsanisako nyumba, kasiku ni txi tshikila ka tona.”

Esteri 1:10

Se ka ditshiku da wutxhanu ni mambidi, na mfumeli a di tsakile ngu vhinya, a to ruma Mewumani, Bhizita, Haribhona, Bhigita, Abhagita, Zetari, ni Karika, i ku mtxhanu wa mithenwa ni yimbidi, yile yi nga ti thumela mfumeli Asuwero,